EIBZn Lehen Hezkuntzarako hamabi maleta – lau, ziklo bakoitzeko – prestatu ditugu Solasaldi dialogikoan erabiltzeko. Horietan 26 aleko liburu-sortak daude.
Hauek dira maileguan ditugun liburu-sortak:
1.Ziklorako: 26 aleko liburu-sortak.
Konkistatzaileak
Romeo eta Julieta
Odisea
Piztiak bizi diren lekuan
Gulliver Liliput-en
2. Ziklorako: 26 aleko liburu-sortak.
Txan fantasma
Xola eta Angelito
Pantaleon badoa
Bakarrik eta Buztangabe
Siberia treneko ipuinak
3. Ziklorako: 26 aleko liburu sortak.
Robinson Crusoe
Pippi Kaltzaluze
Ozeko aztia
Jon eta Mirka. Komikia
Printze txikia
Solasaldi dialogikoen mailegua
Erreserba-taula kontsultatu ondoren, inprimaki hau betez egin behar da eskaera. Mailegu zerbitzua doakoa da, eta EIBZn bertan jasoko dira aukeratutako kutxak. Epea bukatutakoan, hartutako kutxak bueltatu egin behar dira.
Iruñerritik kanpoko ikastetxeek doako garraio-zerbitzua baliatu ahalko dute, urtean bi maleta ikastetxera eraman eta EIBZra berriz itzultzeko.
Maileguaren iraupena:
Solasaldi dialogikorako maleten kasuan, aldiz, bi-hiru hilabetekoa izanen da.
Mailegu-arauak:
Oro har, libururen bat galdu edo hondatuko balitz, ikastetxeak ale berri bat jarri beharko luke.
Liburuen kontrola errazte aldera, honakoa egin behar da kutxak jaso eta berehala:
- Ziurtatu zerrendako liburu guztiak daudela eta EIBZra idatzi liburu guztiak dauden ala ez esateko. Denak ez badaude, adierazi beharko da.
- Mailegu-epea bukatuta, kutxa edo kutxak itzultzeko garaia iritsiko da, eta berriz ere ziurtatu beharko da jasotako liburu guztiak daudela.
Guztiz garrantzitsua da arau hauek betetzea. Izan ere, libururen bat falta delako abisua eman ez eta EIBZn edo beste eskola batean maleta jaso eta libururen bat falta dela ikusten bada, eskola hari egokituko zaio falta direnak erostea.