Nafarroako Hezkuntza Departamentuko Euskara Atalak eta EIBZk Adi-adi izeneko sei entzungai sortu dituzte, Haur Hezkuntzako eta Lehen Hezkuntzako ikasle eta irakasleentzat. Zazpi eta hamar minutu arteko saioak dira, hiztegia eta adi entzuteko ohitura lantzeko eta elkarrekin ongi pasatzeko. Musika, animaliak, eguraldia, kirola, etxean eta garraiobideak dira aukeratutako gaiak. Entzungaiak (MP3 formatuan) eta gidoiak (PDF formatuan) webgune honetako Baliabideak atalean dituzue eskuragarri (Baliabideak>Entzumena>ADI-ADI entzungaiak (HH-LH)).