Izan ontsa!

Galdera

Kaixo,

Berriki jasotako mezu batean, zalantza bat sortu zait: amaieran “Izan huntsak!” agertzen da. Zer esan nahi du?

Erantzuna

Ez da zuzena, ez ortografiari dagokionez ez gramatikari dagokionez.

Lehenik eta behin, hiztegietan kontsultatuta, ikusiko dugu euskara batuan “ontsa” dela hitza, eta “ondo” eta “ongi” adizlagunen Iparraldeko sinonimoa dela. Hauxe dator, esate baterako, Euskaltzaindiaren Hiztegi Batuan:

ontsa adlag. Ipar. ‘ongi, ondo’

Hortaz, “izan ontsa” da forma zuzena.

Ontsa adizlaguna denez, ez du aldaketarik onartzen, ongik eta ondok onartzen ez duten bezala. Ez genuke esango ez *izan ongiak ez *izan ondoak. Arrazoi beragatik, ez genuke esan beharko *izan ontsak.

Atala Hizkuntza, etiketak , egilea .

Honi buruz: EIBZ

EIBZ edo Euskararen Irakaskuntzarako Baliabide Zentroa Nafarroako Gobernuaren Hezkuntza Departamentuko zentro ofiziala da, Hizkuntzen eta Arte Ikasketen Zerbitzuko Euskara Atalaren mendekoa. EIBZk hiru atal nagusi ditu eta ongi zehazturiko helburuak eta eginkizunak: a) Prestakuntza arloa: Euskara maila eguneratzeko eta hobetzeko ikastaroak ematea. Euskarazko ikastaroak diseinatzea eta ikastaro berriak proposatzea. Irakasleei ikasmaterialak euskaraz sortzeko aholkuak ematea eta sortzen laguntzea. b) Hizkuntz Egiaztapen eta Zuzenketaren arloa: Nafarroako Gobernuaren EGArako probak prestatzea. Irakasleei euskararen gaineko kontsulta zerbitzua eskaintzea: oinarrizko hezkuntza terminologia, hizkuntza arauak, kalitatezko testuak, baliabide didaktikoak. Lankidetza hitzarmenak sustatzea euskarazko hizkuntza baliabideak jaso, hedatu eta erabili nahi dituzten ikastetxeekin. c) Informazioaren eta Baliabideen arloa: Euskararen irakaskuntzari lotutako fondo dokumentala, bibliografikoa eta teknologia berrien gainekoa sortzea eta eguneratzea. Baliabide Zentroko fondo bibliografikoak, ikus-entzunezkoak eta informatikoak zaintzea, sailkatzea eta eguneratzea. Baliabide Zentroaren webgunea sortzea eta eguneratzea. Helbidea: Zubiarte kalea, 13 Uharte - 31620 Nafarroa

Utzi erantzuna

Zure e-posta helbidea ez da argitaratuko. Beharrezko eremuak * markatuta daude