“Kaixo, guztioi” ala “Kaixo guztioi”?

Galdera

Mezu bat idazterakoan askotan honela hasten gara: Kaixo, Irene:

Nola da, ordea, “Kaixo, guztioi:” ala “Kaixo guztioi:”? Egitura honetan koma behar da ala ez?

Erantzuna

Zuk ongi jarri duzun moduan, deiki edo bokatiboa komarekin jarri behar dugu; hortaz, “Kaixo, Irene:” da forma zuzena. Deiki edo bokatiboa NOR kasuan jartzen da eta norbaiti edo zerbaiti deitzeko erabiltzen den hitza da. Maiz, artikulurik gabe ere erabili ohi da: Aizu, adiskide(a), zatoz hona! edo Barkatu, Xabi, hori ez da horrela.

Beste kontu bat da, ordea, zuk aipatutako bestea: “Kaixo guztioi:”. Hor guztioi ez da deikia, isildu dugun aditz baten zehar osagarria-edo baizik: “Kaixo esan nahi dizuet guztioi” edo antzeko zerbait legoke azpian; beraz, tarteko koma hori ez da jarri behar.

Kategoria Hizkuntza, etiketak , , , , egilea .

Honi buruz: EIBZ

EIBZ edo Euskararen Irakaskuntzarako Baliabide Zentroa Nafarroako Gobernuaren Hezkuntza Departamentuko zentro ofiziala da, Hizkuntzen eta Arte Ikasketen Zerbitzuko Euskara Atalaren mendekoa. EIBZk hiru atal nagusi ditu eta ongi zehazturiko helburuak eta eginkizunak: a) Prestakuntza arloa: Euskara maila eguneratzeko eta hobetzeko ikastaroak ematea. Euskarazko ikastaroak diseinatzea eta ikastaro berriak proposatzea. Irakasleei ikasmaterialak euskaraz sortzeko aholkuak ematea eta sortzen laguntzea. b) Hizkuntz Egiaztapen eta Zuzenketaren arloa: Nafarroako Gobernuaren EGArako probak prestatzea. Irakasleei euskararen gaineko kontsulta zerbitzua eskaintzea: oinarrizko hezkuntza terminologia, hizkuntza arauak, kalitatezko testuak, baliabide didaktikoak. Lankidetza hitzarmenak sustatzea euskarazko hizkuntza baliabideak jaso, hedatu eta erabili nahi dituzten ikastetxeekin. c) Informazioaren eta Baliabideen arloa: Euskararen irakaskuntzari lotutako fondo dokumentala, bibliografikoa eta teknologia berrien gainekoa sortzea eta eguneratzea. Baliabide Zentroko fondo bibliografikoak, ikus-entzunezkoak eta informatikoak zaintzea, sailkatzea eta eguneratzea. Baliabide Zentroaren webgunea sortzea eta eguneratzea. Helbidea: Zubiarte kalea, 13 Uharte - 31620 Nafarroa

Utzi erantzuna

Zure e-posta helbidea ez da argitaratuko. Beharrezko eremuak * markatuta daude