Kategoriaren artxiboa: Etapa LH

Olentzerorentzako eskutitza

Utzi erantzuna

Eguberriak heltzear daude eta haiekin batera gure Olentzero. EIBZn eskuragarri dagoen Irudi biltegiko Olentzeroren irudiaz baliatuz, Olentzerori gutuna idazteko txantiloi bat prestatu dugu. PDF formatuan deskarga dezakezue.

Txantiloia aldatu eta besteekin partekatu nahi baduzue, Blog honen Hasiera orrian dagoen helbide elektronikora idatzi, eta hementxe jarriko dugu zuen bertsioa. Hainbat eredu ere, ondorengo webguneetan aurki ditzakezue:

Iradokizunak eskertzen dizkizuegu.

Zorionak eta Eguberri on!!

Entzundakoaren ulermena 4. mailan

Utzi erantzuna

2020-2021 ikasturtean A ereduko 4. mailako ikasleentzat prestatutako eta hainbat ikastetxetan pilotaje moduan pasatutako entzungaiak dituzue honakoak. Pilotajea egin zuten irakasleen iritziak eta ikasleek egindakoa aintzat hartuz, materiala A ereduko geletan erabiltzeko egokia dela uste dugu.

7 entzungai dituzue eta bakoitzerako lau fitxategi: audioa, transkripzioa, ikasleentzako orria eta erantzunak.

Aurkezpena

entzungaiak
arkatza
galdera
erantzunak

Biharko eguna

entzungaiak
arkatza
galdera
erantzunak

Gaurko menua

entzungaiak
arkatza
galdera
erantzunak

Erosketak

entzungaiak
arkatza
entzungaiak
galdera
entzungaiak
erantzunak
entzungaiak

Programazioak eta jarduerak planifikatzeko dokumentuak

Utzi erantzuna

EIBZn, 2020-2021 ikasturtean, LOMCE legean oinarritutako Lehen Hezkuntzako A ereduko curriculuma aztertu ondoren, zenbait dokumentu sortu genituen. Orain, LOMLOE hezkuntza lege berria dugun arren, dokumentuek baliagarriak izaten jarraitzen dutela uste dugu, bai programazioak zein jarduerak planifikatzeko. Beraz, hemen dituzue eskuragai:

Lexikoa
Morfosintaxia
LOMCE curriculumaren laburpena

Lorentxo

Utzi erantzuna

Lorentxo Debagoieneko Mankomunitateak euskaraz ez dakiten umeentzat sortutako materiala da; bost eta zortzi urte bitartekoentzat hain zuzen ere. A ereduko lehenengo zikloko ikasleentzat oso material egokia da.

Helburuak ugariak izanik ere, hauek dira garrantzitsuenak:

  • Euskara ahalik eta modurik ludikoenean ikastea.
  • Euskararen aldeko jarrera bultzatzea.
  • Hizkuntzaren alderdi soziokulturala lantzea
  • Euskal Herria ezagutzea.
  • Euskal kulturara hurbiltzea.
  • Talde lana bultzatzea.
  • Oinarrizko arauak errespetatzen ikastea.

Horra Lorentxok lantzen dituen gaiak eta erabilera gida:

Gai orokorrak

Sasoian sasoikoak

  • Urtaroak
  • Gabonak
  • Inauteriak
  • Bukaerako gutuna

Erabilera gida

Arazoak izan dituzte Interneten jarritako materialekin. Dena den,  ahalik eta azkarren konpontzen saiatuko direla esan digute.

ADIrekin euskara ikasi

Utzi erantzuna

“Adi!” Haurrentzako euskarazko prestakuntza-kanala da. Bertan, A ereduko ikasleentzat egokiak izan daitezkeen hainbat bideo daude.

Hona hemen Haur Hezkuntzarako egokiak izan daitezkeenak:

Hona hemen Lehen Hezkuntzan erabili daitezkeenak:

Kamishibaiak

Utzi erantzuna

2020-2021 ikasturtean “Kamishibai tailerra A ereduan” ikastaroan parte hartzaileek egin zituzten 8 kamishibai dituzue hemen. Zoragarriak dira eta partekatzeko baimena eman ziguten. Hemendik deskargatzeaz gain, EIBZko liburutegian ere inprimatuta dituzue, eta maileguan har ditzakezue.

Lehen Hezkuntzako 1., 2., eta 3. mailak
Haur Hezkuntza eta Lehen Hezkuntzako 1. maila
Lehen Hezkuntzako 2. eta 3. mailak

Haur Hezkuntza
Haur Hezkuntza eta 6 urtetik gora
Haur Hezkuntza eta Lehen Hezkuntzako 1. zikloa
Lehen Hezkuntza
Haur Hezkuntza eta Lehen Hezkuntzako 1. zikloa

Jantzien erruletak

Utzi erantzuna

“Jira bira sakatu botoia eta erruletak bira egingo du. Sakatu berriro eta gelditzen den jantziaren izena esan beharko duzu“.

Hona hemen Claret Larraona ikastetxeko irakasleek sortutako baliabidea: jantzien gaia errepasatzeko Power Pointen egindako bi erruleta.

Jantzien erruletak

Bi erruleta horiek PDIan erabiltzeko oso egokiak dira. Dena den, Drive dokumentuan ez du funtzionatzen; horregatik, efektua ikusteko fitxategia deskargatu behar da.

Erruletak Power Pointen nola egin daitezkeen jakin-mina baduzue, Interneten zenbait bideo tutorial daude. Guztiak gaztelaniaz. Beraz, norbaitek euskaraz dagoen bideoren bat topatzen badu, idatzi, mesedez, eta hemen jarriko dugu.

Errutinak

Utzi erantzuna

Errutinak, hau da, egunero errepikatzen ditugun jarduera komunikatibo egituratuak, gelan hizkuntzaren ulermena eta adierazpena garatzeko aukera paregabeak dira.

Behin eta berriro errepikatzen ditugun jarduera hauek, ikasleei gero eta konplexutasun handiagoarekin aurkezten badizkiegu, ikasleei euren hizkuntzaren garapenean lagunduko diegu.

Hona hemen, errutinak lantzeko lelo, errima eta kanta bilduma polit bat. Dokumentua ez dago itxia. Jasotzen ditugun ekarpenekin osatzen joango gara. Hortaz, errutinak lantzeko, dokumentuan azaltzen ez den baliabide interesgarri bat ezagutzen baduzu, idatzi, mesedez.

Ahozkotasuna lantzeko animazio bideoak

2 erantzun

Stop motion animazio bideoak sortzeko teknika bat da: objektuak poliki mugitzen dira eta mugimendu txiki bakoitzaren ondoren argazki bat ateratzen da. Gero, argazkiekin, bideo editore bat erabiliz, objektuak mugitzen direla ematen duen bideo bat sortzen da. Hona hemen Stop motion teknikari buruzko bideo-tutorial txiki bat: https://www.youtube.com/watch?v=2upeGxChvAI

Bestalde, hemen dituzue Angel Ayechu irakasleak, Stop motion erabiliz, A ereduko ikasleekin eta ikasleentzat sortutako hainbat bideo: