Eskuartean duzun egitasmo honetan DBH eta Batxilergoko ikasleen euskararekiko motibazio baikorra eta atxikimendua lantzeko oinarriak, ibilbideak eta baliabideak jasotzen dira.
Proiektu honek arrakasta izateko irakasleen laguntza eta parte hartzea ezinbestekoa da, eta baita zentro osoarena ere, alegia, hezkuntza komunitateko kide guztien lana, ez noski maila berean, baina bai modu integratuan eta osotasunez bideratua.
Ikasleen jarrera baikorrak bultzatu nahi ditugu. Euskararen egoeraren jabe egin daitezen, dituzten bizipenetan eta esperientzietan oinarrituko dira, hau da, ikasleek pentsatzen eta sentitzen dutena azalaraztea bilatuko dugu. Haien bizipen eta esperientzietatik abiatuta motibazio kontzienterako ibilbidea egin dezaten eta hizkuntzaren erabileran eragiten duten faktoreen garrantziaz ohar daitezen. Eta erabilera gauza konplexua dela, hari-mutur ugari dituena ulertzera iritsi daitezen.
Azkenik, egindako lana ebaluatzea beharrezkoa denez, beste atal batean ikasleek betetzeko galdetegien ereduak eskura izanen dira parte hartzen dutenendako. Hezkuntza eremuan hizkuntzarekiko atxikimendua lortzeko helburu zehatzak eta neurgarriak jartzen diren esateko.
