Arrautzak kardu eta kutixiekin

Iker Markinez / 2013-02-02 / 214 hitz

OSAGAIAK

Osagaiak lau pertsonarentzat:

Kardu bat.
Dozena bat gari zainzuri.
Urdaiazpikoa, 100 gramo.
Gula, 250 gramo.
Zortzi arrautza.
Baratxuriak, 2 ale.
Tipulina.
Oliba olioa.
Irina.
Gatza.

• Errezeta honetarako, kardu freskoa erabiliko dugu, baina nahi izanez gero, kontserbakoa ere erabil dezakezue. Kardu freskoak garbitu eta zuritu, hari guztiak ongi kendu arte. Pazientziarekin, denbora hartu. Ondoren, kardu bakoitza pusketatan moztu.

• Lapiko bat urez bete, eta irakiten jarri. Gatz pixka bat bota. Bertan, hamar minutuz bakarrik egosi karduak (lehenengo irakinaldi hori karduak duen zapore indartsua murrizteko da). Kardua atera, eta dagoeneko irakiten prest dugun beste lapiko batera pasatu. Tapa azkarrarekin erabil daitekeena izan behar du derrigorrean. Ordubetez tapa azkarrarekin egosi. Gero, atera, eta gorde. Salda pixka bat ere gorde geroko.

• Lapiko zabal batean, tipulina zati txikitan erregosten jarri, oliba olio zorrotada batekin, hamabost bat minutuz. Segidan, baratxuriak fin moztu eta gehitu egingo dizkiogu. Baita urdaiazpikoa ere, laukitan moztuta. Irin koilarakada pare bat gehitu eta ongi nahastu ondoren, karduaren salda pixkanaka gehitu, gatz pitin batekin eta karduekin batera. Hamar minutuz, poliki irakin, su motelean. Bitartean, lapiko batean gari zainzuriak egosi, bost minutuz. Horiek ere kardua dugun lapikora gehitu, gulekin batera.

• Bukatzeko, arrautzak lapikoan ireki banan-banan, gatz pitin bat bota, eta lapikoa estali. Lau minutuz, arrautzak erdi egosita izango ditugu; eta dena mahaira zerbitzatzeko prest.

Utzi erantzuna

Zure e-posta helbidea ez da argitaratuko.