Egilearen artxiboa: liburutegia

Zein da posturarik aerodinamikoena txirrindularientzat?

-n -kargitaratuta
Erantzun

sustatu.eus/zientzia

Italiako Giroa bukatzear dago. Hiru astez ikusi izan ditugu txirrindulariak 3518,5 km-ko ibilbidea egiten, 21 etapatan banatuta. Baliteke norbaiti arreta eman izana mendateak jaisterakoan hartzen dituzten postura bitxiak, ezta? Izan ere, postura aerodinamikoak hartzen dituzte jaitsieran kronoari milaren bat lapurtzeko. Baina balio al du zerbaiterako? Eta horrela balitz, zein litzateke posturarik hoberena abiadura handiena lortzeko?

IRABAZI ARTE podcastak

-n -kargitaratuta
Erantzun

Irabazi arte! telesailak arrakasta handiz bukatu du lehen denboraldia.

Euskarazko fikzioak ume eta gaztetxoen artean erabateko lidergoa lortu du fenomeno transmedia bilakatuta eta jarraipena izanen du bigarren denboraldiarekin.

Bien bitartean, Irabazi arteko Norak eta Arenek egindako podcastak entzun ditzakezue.

Disfrutatu!!

Podcastak entzungai hemen

Egun bakarra ez da aski

-n -kargitaratuta
Erantzun

BERRIA Ikasgela / Iker Tubia / 2022eko otsailak 11

Emakume eta Neska Zientzialarien Nazioarteko Eguna da otsailaren 11, ezkutuan edo bigarren mailan geratu ohi den andreen lana eta presentzia nabarmentzeko baliatzen den jarduna. Zenbait alorretako lau emakume zientzialarik nabarmendu dute oraindik asko falta dela berdintasuna erdiesteko.

Gutxiago ikusarazten da emakume zientzialarien jarduna, aukera gutxiago dituzte, eta gutxiago aipatu eta aitortzen da haiek egiten duten lana. Hori argi dute zientziaren alorrean ari diren emakumeek. Otsailaren 11 Emakume eta Neska Zientzialariaren Nazioarteko Eguna izanik, han eta hemen hamaika egitasmo eginen dira egunerokoan gutxiago erreparatzen zaion errealitatea azaleratzeko eta dagokion balioa emateko. Aurrera egiteko baliagarriak diren arren, andre ikerlariek uste dute lan handia dagoela egiteko, egun bakarra ez dela aski. 

Popatik – Ipuinetan ez bezala

-n -kargitaratuta
Erantzun

NAIZ

Naizen elkartea, zazpi urte garen bezalakoak izateko aukerak zabaltzen

Orain dela hamarkada bat haur eta gazteen transexualitatea ez zen soilik ikusezina, pentsaezina ere bazen. Zazpi urtetan Naizen elkarteak ikusgarri eta, garrantzitsuagoa dena, pentsagarri egitea lortu du. Sariak banatuz eta abestia eta bideoklipa estreinatuz ospatu du, ekitaldi jendetsu batean.

Hitzekin

-n -kargitaratuta
Erantzun
Korrika.eus

Hizkuntza bat hitzekin osatzen da, baina ekimenek eraikitzen dute hizkuntza baten komunitatea. Euskarak aurrera egin nahi badu, euskaldun (pro)aktiboak behar ditu, konbentzimendutik ekintzara, praktikara, jauzi egingo dutenak.

Beraz, ohar zaitez badugunaz, bagarenaz eta izango garenaz. Hitza emana duzu; orain, egin jauzi ekintzara. Euskara ahoan izan behar dugu herritarrok, elkarteek, erakundeek… Bada ekiteko ordua.

Hitz egiteko ordua. Hortaz, ernatu, larrialdi linguistikoaren alarma gorriak pizten hasiak dira. Ekin diezaiogun berehala: aldekotasunetik konpromisora, eta konpromisotik erakunde orok urrats sendoagoak egin ditzan eragitera, jendartearen nahiei eta beharrei erantzuteko.

Ezinbestekoa da partida hau irabaztea. Ekiteko ordua da, orain bukatu behar da tantoa, orain irabazi behar da norgehiagoka, 22. KORRIKAra batzeko unea da. Eginez eragingo dugu eta eginaraziko diogu elkarri, ikasle, agintari zein eragile orok, guztiok elkarrekin.

Zerekin? Hitzekin, Hitzarekin eta Ekinarekin.

Ehunka irain euskaraz

-n -kargitaratuta
Erantzun

BERRIA ikasgela / 2021-09-27

Okerra da euskaraz irainik ez dagoelako ustea. Topiko bat da; oso errotuta dagoen topiko bat, ordea. Euskarazko 140 irain bildu ditu BERRIAk, eta zerrendak izan lezake segida, nahi izanez gero. Irain horietako asko Irainka. Euskal irainen bilduma liburutik hartuak dira. Joseba Aurkenerena, Covadonga Garcia eta Jon Zelaia irakasleek idatzi zuten, eta 3.000 irain inguru jaso. 1999. urtean argitaratu zuten.

Gazteen esamoldeak

-n -kargitaratuta
Erantzun

BERRIA ikasgela / 2021-11-29

Abenduaren 3a Euskararen Nazioarteko Eguna da. BERRIAk gazteen esamoldeak jaso ditu bideo batean. Hainbat eta hainbat esamolde baitaude, besteak beste, lagunari isilik egon dadila eskatzeko, diru gutxi daukagula esateko edota sexuaz aritzeko.

Gazteen eguneroko hizkerako hainbat esamolde nola esaten diren entzun daiteke bideoan. BERRIAko kazetaririk gazteenek hartu zuten parte 2020ko Euskaraldiaren harira eginiko ikus-entzunezko honetan.

Bideoa:

Saioa Alkaizaren agurra Nafarroako bertsolari onenaren txapela jaso duenean

-n -kargitaratuta
Erantzun

EITB 2021-11-28 / 00:01:47

Eneko Fernandez, Eneko Lazkoz, Joanes Illarregi, Josu Sanjurjo, Julio Soto, Xabat Illarregi eta Xabier Silveirari gailendu zaie Anaitasuna kiroldegian jokatutako saioan.

Saioa Alkaizak irabazi du 2021eko Nafarroako Bertsolari Txapelketako finala, Iruñeko Anaitasuna kiroldegian jokatutako finalean, eta Estitxu Arozenaren eskuetatik jaso du txapela. Hain zuzen ere, Arozenarekin hasi zen bertsotan gazte iruindarra, eta hark txapela eskuratu eta 26 urtera hartu dio lekukoa.

Eneko Fernandez Maritxalar, Eneko Lazkoz Martinez, Joanes Illarregi Marzol, Josu Sanjurjo Altzuri, Julio Soto Ezkurdia, Xabat Illarregi Marzol eta Xabier Silveira Etxeberria bertsolariei gailendu zaie iruindar gaztea, finalean parte hartu duen lehenengo aldian.

Julio Soto buruz burukotik kanpo geratu da, kiniela guztiek iragartzen zutenaren aurka, eta Eneko Lazkoz sartu da Alkaizarekin batera.

Hauxe izan da Saioa Alkaizak txapela jasotakoan bota duen agurra eta bideoa: