Faktoria / 2016-03-01 / 00:11:04
Alberto Barandiaran kazetariak artikulua idatzi du gaurko Berrian: “Spotlight, hemen, gaur”. Oscar onenaren saria jaso duen filmak sexu gehiegikeriak ikertu dituen kazetarien lana kontatzen du. Barandiaranek Faktorian kontatu du haren belaunaldiko ikasle asko izan zitezkeela Spotligheko protagonista.
Bullyingaren ezaugarriak definitzen saiatu dira Hamaika telebistako Ertzak saioan. Noiz da burla, printzipioz arriskurik gabekoa eta noiz da benetako eraso? Identifikatzen al dira bullying mota ezberdinak? Modu berean tratatu behar da eraso homofobo bat eta bestelako arrazoiak medio gertatzen den bullyinga? Jose Antonio Oñederra psikologian doktorearekin eta Gehituko Xabier Lozano eta Juan Ramon San Sebastiarekin hitz egin dute.
Zeanuriko mutil batekin bizi izan zuen Edu Gaviñak bere lehen aldia, armairutik atera ostean. Oraindik armairuan ezkutatuta bizi direnei kanpora ateratzeko ausar daitezen gomendatu die.
Nola bizi dute gazteek feminismoa? Oraingoan, Ertzak saioan gazteei eman diete ahotsa, botere-harremanak, jeloskortasuna, kontrola edo edertasun kanon zorrotzen zama nola kudeatzen duten ezagutzeko. Hernaniko Institutuko Liletak taldearekin batu eta erantzun guztiak bildu dituzte hemen.
Mikel Elizegi, Reyes Prados eta Axi Muniain tertulian egon dira, ‘Zuek Hor eta Gu Hemen’ saioan. Euskalkiei buruz aritu dira, eta morboaz. Euskaraz ligatu duzu inoiz? Ba ikusi eta ikasi!