Faktoria / 2016-04-22 / 00:09:55
57 urte zituela hil da 80ko hamarkadako pop izar handienetakoa: Prince. Asier Leoz eta Jon Basaguren lankideekin aztertu dute Princek musikari egindako ekarpena.
Faktoria / 2016-04-21 / 00:08:10
Nafarroan herritar baten zalantza argitzen lagundu digu Ibon Sarasola hizkuntzalariak: Iruñea ala Iruña esan eta idatzi behar dugu?
Faktoria / 2016-04-20 / 00:10:01
Eztabaidari heltzeko ordua iritsi dela uste du Juan Martin Elexpuru idazle eta filologoak. Euskaltzaindiak “Iruñea”-ren alde egin zuenean oker jokatu zuela azaldu du Faktorian Elexpuruk.
Faktoria / 2016-04-19 / 00:13:05
120 urte dira Xabier Lizardi poeta jaio zela. Jose Luis Padron lankideak haren bizitzaren gainekoak azaldu ditu Faktorian; Lizardi baita, izan ere, Padronek gidatzen duen saioaren aitabitxi.
Faktoria / 2016-04-18 / 00:05:32
Antza denez, Euskal Herrian errukia emateko euskaraz hitz egitea amu eraginkorra da. Horretaz baliatzen da egoera larrian dagoela irudikatzen duen iruzurgilea (Breaking Basque ezizena jarri diote sarean). Dirurik ez duela esanez, atsekabetuta itxuraz, euskaldunen borondate onaz aprobetxatzen da. Maite Artola lankideak bere testigantza kontatu du Faktorian.
Faktoria / 2016-04-06 / 00:17:28
Itsaso Blazquez izan da Faktorian gonbidatu. Lodifobiaz aritu dira berarekin: “Analisiak bikain dituen lodia baino, gaixo dagoen argala nahiago du gizarte honek”.
Faktoria / 2016-04-05 / 00:13:20
Euskara ikasleek huts egitez sortutako hitz xelebreak bildu dituzte Geuskera tartean, baita hizkuntzarekin jolasean aritzen direnen asmakizun bitxiak ere.
Faktoria / 2016-03-29 / 00:11:30
Lokaletan biltzen diren gazteekin elkartu eta lonjen erabilera ludikoari lotutako arriskuak murriztea da Lonja-Laket egitasmoaren helburua. Ekimenak Europako Kontseiluaren aitortza jaso zuen 2012an eta orain, Vital Fundazioaren laguntzaz, Araban jarri dute martxan. Unai Perez de San Roman, drogen kontsumoaren arriskuen murrizketen aldeko Ai Laket Elkarteko kideak eman du programaren berri.
Faktoria / 2016-04-04 / 00:09:36
Borja Olabegogeaskoetxea itsas salbamenduko boluntarioen arduraduna da eta abendutik Greziako Chios irlan lanean ari da. Europako Batasunak Turkiarekin sinatu duen akordioa indarrean sartu den egunean, kanporatu dituzten lehen errefuxiatuak kaleratzen ikusi ditu.
Faktoria / 2016-03-14 / 00:16:19
Begiratu hutsarekin ordenagailua lanean jar dezakegu “Eye tracking” sistemari esker. Hitz egiteko edo mugitzeko arazo larriak dituzten pertsonek, begiradarekin, ordenagailuan testuak idatz ditzakete edo whatsappez komunikatu, besteak beste. Horrez gain, industriaren munduan ere erabilpen oso garrantzitsuak ari da izaten. Donostian egoitza duen VICOMTECH-IK4 teknologia zentroarekin sistema garatu eta merkaturatzeko IRISBOND taldea sortu zuten. Eduardo Jauregi Irisbond-en sortzailea gonbidatu dute Faktoriara horren berri emateko.