Hirigorrian / 2016-01-26 / 00:31:22
Parkour Bilbao-ko kidea da Asier Osma eta hiriko kale eta plazetan saltoka, korrika eta txiribueltaka ibiltzen dira. Baita Bilbotik kanpora ere. Lehiaketak hala ere, ez dira euren filosofiaren barruan sartzen.
Mezularia / 2016-01-26 / 00:07:04
Baigorrira 41 errefuxiatu etorri ziren azaroan. Igandean alde egingo dute Baigorritik, eta agur festa antolatu dute herrian. Jean Mixel Koskaratek esan duenez, hasieran herritar batzuek zituzten errezeloak uxatu dira. 33 errefuxiatuk asilo eskaera aurkeztu dute.
Albiste idatzia irakurri nahi izatera, hemen esteka
Faktoria / 2016-01-25 / 00:15:13
Organo emaile izatearen garrantzia azpimarratu nahi izan dute Faktorian. Horretarako, Lander Atutxa, Gipuzkoa ospitaleko transplante koordinatzailea eta Patxi Sansinenea, duela 19 urte bihotza transplantatu zioten 81 urteko donostiarra, gonbidatu dituzte.
Ekosfera / 2015-11-12 / 00:20:07
Nekazaritza eta abelazkuntza ekologikoaren arautegiaz aritu da Leire Ibarretxe, zer den ekologiko eta zer ez argitzen saiatzeko.
Maitene Segurolak Naroa Agirreri egin dion elkarrizketa.
Lehen minutu erdian bere deskribapena egiten du eta ondoren bere bizitzaz dihardu. Ezagutu nahi?
Hirigorrian/ 2016-01-18 / 00:05:52
Txerra Rodriguez soziolinguistak euskaldunen kontzeptu berriei buruz hitz egin du. “Hiri Gorrian”. Euskaldun berri eta zahar kontzeptuak zaharkituta gelditu dira, eta badira ez zahar ez berri kontsideratzen diren euskaldunak ere. Hortik dator euskaldun 2.0 kontzeptua. Transeuskaldun, bidelagun eta bidelarien berri ere eman du Rodriguezek.
Zer euskaldun mota zara zu? Non kokatuko zenuke zeure burua?
Faktoria / 2016-01-18 / 00:05:20-00:25:08
Belako taldeko Josu Billelabeitia izan da Faktorian. Mungiako taldeak aurki argitaratuko du “Hamen” izeneko bigarren lan luzea. Besteak beste, hauxe komentatu du: “Espainian kulturak duen BEZ zergarekin, gure adinkideei oso garestia egiten zaie kontzertuetara etortzea”
Faktoria / 2016-01-14 / 00:05:42
Berri Txarrak taldearen zale amorratu zenbaitek tatuajeak ere badituzte; taldearen letrak edo diskoen azaleko irudiak. Arkaitz Sukuntzak eta haren emazteak, biek, elkarrekin egin zuten marrazkia: “Jaio.Musika.Hil” diskoaren azaleko loreak dituzte tatuatuta, eta baita izar gorri bat ere, alabaren izenaren aitzakian.
Faktoria / 2016-01-15 / 00:10:38
Euskara-Esperanto hiztegia kaleratu du Aitor Arana idazle eta hizkuntzalariak. Faktorian kontatu duenez, “hizkuntza naturalek jatorri eta izaera jakin bat dutenez, hizkuntza neutro baten beharra dago munduan bakea egingo bada. Hori da esperantoa; mundu guztia elkarrekin komunikatuko duen hizkuntza neutroa”. Bestetik, ikasi nahi izatera, nora jo ere azaldu du.
Euskaljakintzako Amaia Urteagak Izaro Iraetari egindako elkarrizketa.