Mari Luz Esteban / 2015-11-01 / 689 hitz
Urriaren 19an ospatu zen bularreko minbiziaren kontrako egunaren harira gure osasun-agintarien eta hedabideetan agertu diren medikuen mezua baikorra izan da: azken urteetan intzidentziak gora egin badu ere, detekzio goiztiarraren programak ezin arrakastatsuagoak dira, eta tratamenduak gero eta hobeagoak, gero eta arinagoak. Lasai, beraz, emakumeok, ondo zainduta gaude-eta! Bizitza estiloetan, portaera indibidualetan eta emakumeok derrigor sentitu behar dugun kemenean oinarrituriko azken urteetako kanpainek optimismoa erein nahi izan dute eta baita, maila batean, lortu ere. Baina, zoritxarrez, ez dugu ez lasai ez pozik ezta baikor egoteko arrazoirik ere.