Xavier, izen euskalduneko polizia robota Singapurren

Sustatu2021-09-07

Portaera zibikoa zaintzen duen robot-polizia jarri du Singapurko kaleetan bertako gobernuak, eta euskal izena jarri diote: Xavier. Dirudienez ale bat garatu dute, eta hiru astez arituko da ingurune zehatz batean.

Jarraitu irakurtzen

GAZTEENTZAKO SAIOAK ETB1EKO DENBORALDI BERRIAN

Testua: Maitane Legarreta Etxezarreta
@mailegetx

Lehiaketa, esperimentu sozialak, bidaiak, realitya eta beste hainbat saio izango dira programazioan. Gaur ‘Bikiak’ telesail norvegiarra estreinatuko dute eta ostegunean Leire Palaciosek munduko hainbat hiritan gidatutako programa.

Jarraitu irakurtzen

3D inprimatzaile batean sortutako izokina jango zenuke?

Jaione Dagdrommer / 2021-02-26 / 40 hitz

Ilar, alga eta onddo proteinekin sortutakoa da eta 3D inprimatzaile batek inprimatua. Minutu gutxitan prest dago . Benetako izokinaren itxura berdina du eta zaporea ere antzekoa omen da.

Jarraitu irakurtzen

Gainazalen bidez ez; batez ere, aerosolen bidez transmititzen da SARS-CoV-2a

Ana Galarraga / 2021-02-02 / 238 hitz

Orain arteko ebidentzietan oinarrituta, SARS-COV-2 birusaren transmititzeko modu nagusia arnasbideetatik igortzen diren tantaxkak eta aerosolak inhalatzea dela berretsi du Nature zientzia-aldizkariak, webgunean argitaratu duen artikulu batean. Horrekin batera, gogorarazi du, berez ezinezkoa ez bada ere, oso arraroa dela gainazaletan eta objektuetan egon daitezkeen birusen bitartez kutsatzea.

Jarraitu irakurtzen

Sagar tarta

Iker Markinez / 2020-10-03 / 223 hitz

OSAGAIAK

4 LAGUNENTZAT

3 sagar.

Litro erdi esne.

Dozena erdi arrautza.

200 g azukre.

40 g irin.

Banilla makilatxo bat.

Hostopil xafla bat.

Azukre pixka bat tartarako.

NOLA EGIN

1

Krema prestatzeko, lehenik, lapiko batean esnea berotzen jarri, banilla makilatxoarekin batera.

2

Bitartean, arrautzen gorringoak ontzi batean jarri. Azukrea ontzira nahastu, eta bost minutuz etengabe irabiatu. Ondoren, irina gehitu, eta kontu handiz nahastu. Berotutako esnearen erdia ontzira bota, eta ondo nahastu. Lapikoan gelditu zaigun esnea irakin artean berotu, eta banilla makilatxoa kendu; ondoren, ontzian duguna lapikora irauli. Bost minutuz irakiten eduki, eta etengabe nahastu aldi berean. Garrantzitsua da tarta prestatzen hasterako krema hotza egotea; beraz, denbora batez hozkailuan sartu, edo, bestela, hurrengo egunean hasi tarta prestatzen.

3

Sagarrak zuritu, erditik moztu, eta erdian duten zurtoina kendu. Ondoren, xafla finetan moztu. Hostopila zabaldu, eta labeko molde batean jarri. Sardexka baten laguntzaz, leku desberdinetan zulotxoak egin, eta labeko paperarekin estali. Ondoren, pisu moduan, garbantzuak edo antzeko beste zerbait paperaren gainean zabaldu. Labean sartu, 180 gradutan, eta hamabost bat minutuz utzi.

4

Labetik atera, eta prestaturik dugun krema hostopilaren gainean zabaldu. Ondoren, sagar xaflak txukun-txukun kremaren gainean jarri, eta azukre pixka bat gehitu, batez ere sagar pusketen gainean.

5

Azkenik, berriro labe beroan sartu, eta 170 gradutan eduki beste 30 bat minutuz. Tarta epela jatea gomendatzen dizuet; nahi izanez gero, izozki bolatxo batez lagunduta. Kontraste goxoa izango dugu.

Creative Commons lizentzia
lan hau Creative Commons Aitortu-PartekatuBerdin 4.0 Nazioartekoa lizentzia baten mende dago.