OKERRAK: “Euskara eta literatura”, “Biologia eta geologia”, “Fisika eta kimika”, “Konstituzio zuzenbidea III”…
ZUZENAK: “Euskara eta Literatura”, “Biologia eta Geologia”, “Fisika eta Kimika”, “Konstituzio Zuzenbidea III”…
Irakasgaien izenen idazkera dela eta, Euskaltzaindiaren 200. arauan (107. orrialdean) hauxe jasotzen da hitzez hitz: Hezkuntza arautuko irakasgai ofizialen izendapena osatzen duten izenak eta adjektiboak letra larriz hasita idazten dira.
Euskaltzaindiak arautuak ditu hainbat hitzen laburdurak 196. arauan; besteak beste, aste egunenak. Honatx:
| astelehena: al. | |
| asteartea: ar. | |
| asteazkena: az. | |
| osteguna: og. | |
| ostirala: or. | |
| larunbata: lr. | |
| igandea: ig. |
Oharra:
or. laburdurak ostirala edo orrialdea adieraz dezake. Salbuespenak salbuespen, testu berean ezin da laburdura homograforik erabili. Laburdura bati esanahi bakarra esleitu behar zaio testuan; hau da: testu edo obra jakin batean, laburdura batek hitz bat edo hitz-segida bat besterik ezin du ordezkatu, beti bera.
OKERRAK: *Asko etorri ziren: Ane, Libe etab. / *Asko etorri ziren: Ane, Libe, eta abar
ZUZENAK: Asko etorri ziren: Ane, Libe, etab. / Asko etorri ziren: Ane, Libe eta abar
Euskara Batuaren Eskuliburuan, laburdurak izenburua duen sarreraren amaieran, hauxe diote hitzez hitz:
Okerrak dira *2024ean, *2024eko, *2024etik, *2024era…
Hau da, okerrak dira *bi mila eta hogeitalauean, *bi mila eta hogeitalaueko, *bi mila eta hogeitalauetik, *bi mila eta hogeitalauera…
Honako hauek dira zuzenak: 2024an, 2024ko, 2024tik, 2024ra…
Hots, hauek dira zuzenak: bi mila eta hogeitalauan, bi mila eta hogeitalauko, bi mila eta hogeitalautik, bi mila eta hogeitalaura…
Hona hemen Internet sarean aurkitutako akats batzuk:
-*Euskadiko hondartzen osasun-egoera 2024ean
-*2024etik aurrera indarrean…
-*2023ko azaroaren 4tik 2024eko otsailaren 29ra egindako jarduerak
Honela behar dute zuzenak izateko:
-Euskadiko hondartzen osasun-egoera 2024an
–2024tik aurrera indarrean…
-2023ko azaroaren 4tik 2024ko otsailaren 29ra egindako jarduerak
2024 zenbatzailea diptongoz bukatzen da (au), eta bokalez amaitzen den beste edozein zenbatzaile bezala deklinatu behar da. Halaxe dio Euskaltzaindiaren 29. arauak: diptongoz bukatzen diren izenen deklinabidea
Gai honi lotuta, ikus blog honetan bertan argitaratutako beste sarrera labur hauek:
Ikasturte hasieran askotan irakurtzen eta entzuten ditugu honako hauek eta antzekoak:
-*Ongi etorria ikastetxera!
-*Ongi etorriak ikasturte berrira!
“Ongi etorria” eta “Ongi etorriak” esapideak okerrak dira bi esaldi horietan.
Honako hau dio hitzez hitz Euskaltzaindiaren 33. arauak: agurra egitean-eta ongi etorri! esan bedi, eta ez *ongi etorria! edo *ongi etorriak!
Horren arabera, Ongi etorri ikastetxera! eta Ongi etorri ikasturte berrira! dira erabilera zuzenak.
Idazkera okerrak: *AEK-ko / *UPN-n / *GKE-en / *AHT-tik…
Idazkera zuzenak: AEKko / UPNn / GKEen / AHTtik…
Euskaltzaindiak 196. arauan erabakitakoaren arabera, testu arruntetan, kasu-markak zuzenean eransten zaizkio siglari, marratxorik erabili gabe —sinboloetan ez bezala—.
Honatx Interneten topatutako idazkera oker batzuk:
-*AEK-ko ikasleek zein ikasle ez direnek balia dezakete aukera.
-*UPN-n ez dela sakoneko ezer aldatuko salatu dute.
-*Euskal Herriko GKE-en azoka solidarioa egin dute Bergaran.
-*Ez du kendu dirurik Guggenheimetik, ezta AHT-tik ere.
Honela beharko lukete zuzenak izateko:
-AEKko ikasleek zein ikasle ez direnek balia dezakete aukera.
-UPNn ez dela sakoneko ezer aldatuko salatu dute.
-Euskal Herriko GKEen azoka solidarioa egin dute Bergaran.
-Ez du kendu dirurik Guggenheimetik, ezta AHTtik ere.
Jarraitu irakurtzenOkerrak: *emaidazu, *emaidan, *emaidak, *emaiguzu, *emaiguk, *emaigun, *esaidazu, *esaidak, *esaidan, *esaiguzu, *ekarridazu, *ekarridak, *ekarridan, *ekarridazue…
Zuzenak: emadazu, emadan, emadak, emaguzu, emaguk, emagun, esadazu, esadak, esadan, esaguzu, ekardak, ekardan, ekardazu, ekardazue…
Jarraitu irakurtzen
Okerra da hor *BIDEGURUTZE
BIDEGURUTZEA jarri beharko luke zuzena izateko.
Bide-seinaleetan, errotuluetan… artikulua erantsi behar zaio hitzari amaieran.
Blog honetan bertan beste hiru sarrera ditugu akats hau azaleratzeko. Honatx hirurak, estekaturik:
Okerrak: funtzionari, unibertsitari, mertzenari…
Zuzenak: funtzionario, unibertsitario, mertzenario…
Salbuespena: parlamentari
Jarraitu irakurtzenOkerrak: 1.D, 3.A, 4.C…
Zuzenak: 1D, 3A, 4C…
Ohitura handia dago 1.D, 3.A, 4.C eta horrelakoak erabiltzeko ikastaldeak izendatzeko. Euskara Batuaren Eskuliburuko siglak izeneko sarreraren amaieran adierazitakoaren arabera, ordea, 1D, 3A, 4C eta abar dira egokiak.
