OKERRAK: *Asko etorri ziren: Ane, Libe etab. / *Asko etorri ziren: Ane, Libe, eta abar

ZUZENAK: Asko etorri ziren: Ane, Libe, etab. / Asko etorri ziren: Ane, Libe eta abar

Euskara Batuaren Eskuliburuan, laburdurak izenburua duen sarreraren amaieran, hauxe diote hitzez hitz:

Hortaz, okerrak dira Internet sarean aurkitutako hauek:

-*Datuak, demografia etab.

-*Futbola, pilota, arrauna, txirrindularitza etab.

-*Positiboki baloratuko dira soluzioa hobeto ikusarazten duten ideiak, eskemak, grafikoak, aurkezpenak etab.

-*Hala nola, mahai informatiboa auzoetan, hitzaldiak, mintzodromo ibiltaria, dantza saioa, tallerrak, eta abar.

-*Batzuk kartzelara joan ziren, beste batzuk, berriz, deserriratu zituzten, eta abar.

Honela behar lukete, zuzenak izateko:

-Datuak, demografia, etab.

-Futbola, pilota, arrauna, txirrindularitza, etab.

-Positiboki baloratuko dira soluzioa hobeto ikusarazten duten ideiak, eskemak, grafikoak, aurkezpenak, etab.

-Hala nola mahai informatiboa auzoetan, hitzaldiak, mintzodromo ibiltaria, dantza saioa, tallerrak eta abar.

-Batzuk kartzelara joan ziren; beste batzuk, berriz, deserriratu zituzten eta abar.