Egilearen artxiboa: Miren Basurto

Okerrak: *sakelean, *sakeleko, *sakeletik, *sakelera, *sakeleratu…

Utzi erantzuna

Zuzenak: sakelan, sakelako, sakelatik, sakelara, sakelaratu…

Hiztun batzuen ustez, *sakel da hitza eta ez sakela. Uste oker horretatik datoz akats horiek.

Ikus Euskaltzaindiaren Hiztegi Batuan datorrena:

sakela

sakeladun

sakelaratu, sakelara/sakelaratu, sakelaratzen. du ad.

-a itsatsia du sakela hitzak.

Jarraitu irakurtzen →

Okerra: *egitura oker hau zabaltzen ari delaz ohartu naiz

Utzi erantzuna

Gero eta maizago entzuten eta irakurtzen ditugu izenburuko esaldiaren antzekoak. Erdararen eraginez sortutako kalko sintaktiko okerrak dira. Hona hemen, Interneten topatutako zenbait adibide:

  • *Berehala erantzutea hobe delaz konturatu ginen.
  • *Azala leunago eta indartsuagoa nuelaz berehala ohartu nintzen.
  • *Aurrera jarraitu zuen izugarrizko zauria zuelaz jabetu gabe.

Beste modu honetan behar dute zuzenak izateko:

  • Konturatu ginen hobe dela berehala erantzutea.
  • Berehala ohartu nintzen azala leunago eta indartsuago nuela.
  • Aurrera jarraitu zuen izugarrizko zauria zuela jabetu gabe.

Ez ahaztu testuinguru bakar batean ere ez dela zuzena -(e)laz egitura.

Jarraitu irakurtzen →

“Aste Santu”, “ostegun santu” eta “ostiral santu”: letra larriz ala xehez?

Utzi erantzuna

Euskaltzaindiaren Hiztegian araututakoaren arabera, hauek dira idazkera zuzenak:

 

 

Okerrak: *martxoaren 24ean, *martxoaren 24eko, *martxoaren 24etik…

2 erantzun

Zuzenak: martxoaren 24an, martxoaren 24ko, martxoaren 24tik…

 

Honatx Interneten topatutako oker batzuk:

  • *Aurtengo hitzordua martxoaren 24ean izanen da.
  • *Argibide horiek martxoaren 24eko 26/1998 Foru Dekretuaren eranskinean jasota daude.
  • *Urtero lez, uztailaren 24etik 28ra bitartean, Jazz doinuek hartuko dute Donostia.
  • *Datorren uztailaren 17tik 24era bitartean Viña del Mar-en egingo dute Neguko Barnetegia.

Beste hauek dira zuzenak:

  • Aurtengo hitzordua martxoaren 24an izanen da.
  • Argibide horiek martxoaren 24ko 26/1998 Foru Dekretuaren eranskinean jasota daude.
  • Urtero lez, uztailaren 24tik 28ra bitartean, Jazz doinuek hartuko dute Donostia.
  • Datorren uztailaren 17tik 24ra bitartean Viña del Mar-en egingo dute Neguko Barnetegia.

“Hogeita lau” diptongoz amaitzen da. Diptongoz bukatutako hitzak bokalez bukatutako beste edozein bezala deklinatu behar dira. Hala dio Euskaltzaindiaren 29. arauak: Diptongoz bukatzen diren izenen deklinabidea. Hortaz, bokalez bukatutako beste edozein zenbaki bezalaxe deklinatu behar dugu 24 (hogeita lau).

Gai honi lotuta, ikus blog honetan bertan argitaratutako Okerrak: *2014ean, *2014eko, *2014etik, *2014era… sarrera.

Aldaketak Euskaltzaindiaren Hiztegi Batuan

Utzi erantzuna

Hiztegi Batua oraindik ere osatzen ari diren hiztegi arau-emailea da. Joan den ostiralean, martxoak 14, zenbait aldaketaren berri eman zuten Euskaltzaindikoek.

Aldaketa horietako batek blog honetan argitaratu genuen sarrera batean eragin zuzena du: Okerrak: *ihauteak, *ihauteriak / Zuzenak: inauteak, inauteriak, aratusteak.

Euskaltzaindiak, izartxoa jarrita, baztertuak zituen euskara batutik *ihaute eta *ihauteri hitzak. Horien ordez inaute eta inauteri erabiltzeko zioten. Oraingo aldaketaren ondoren, ordea, ihaute eta ihauteri ez daude baztertuta, nahiz eta hobetzat jotzen diren euskara baturako inaute eta inauteri.

Okerrak: *larunbata goizean, *larunbata arratsaldean, *larunbata gauean

Utzi erantzuna

Hiztun batzuek bestela uste badute ere,  larunbat da hitza eta ez larunbata. Ikusi Euskaltzaindiaren Hiztegi Batuko sarrera:

larunbat

Horregatik, okerrak dira *larunbata goizean, *larunbata arratsaldean eta *larunbata gauean.  Hauek dira zuzenak: larunbat goizean, larunbat arratsaldean eta larunbat gauean.

Jarraitu irakurtzen →