Anjel Lertxundi / 2015-03-08 / 113 hitz

Aldian behin, gero eta sarriago, eskaleen, etorkinen, marjinatuen kontrako erasoen berri ematen dute hedabideek. Erasotzaileak gaztetxoak izan ohi dira sarri, kale garbi-garbietan bizi diren etxe onekoak. Erasoen biktimak, aldiz, edadetu etxe gabeak. Poliziak harrapatzen baditu, ohar bat agertzen da hainbat hedabidetan: «Gazteek ez zeukaten gaizki jokatu izanaren kontzientziarik». Di-da. Gaztetxoek ez zeukaten kontzientziarik. Argitu da auzia, lasai segituko dugu butakan eserita egunkaria irakurtzen. Baina gazteen kontzientzia faltaren kontsiderazioa egiten duena —polizia, guardako epailea, informazioa jaso duen kazetaria— esaldiaren autore materiala den arren, butakan egunkaria irakurtzen segitzen duen gizarte anestesiatua da autore intelektuala, kale garbi-garbiak nahi dituena, eskale, etorkin, marjinaturik gabeak.

Noski gaztetxoek badutela egiten ari diren azioaren kontzientzia! Beren inguru onarena bera da…