Auzi hau argitzen hasteko, lehenik eta behin, egin ezazu ariketatxo hau
Oso desberdinak dira, ezta? Argi dago ezinbestekoa dela zenbakien ondoren datorren hitza ongi deklinatzea; besteak beste, hala egin ezean, beste zerbait esaten ari garelako.
Desberdinak:
- Bost auzotan / Bost auzoetan
- Lau gazteri / Lau gazteei
- Bi mila eta bostehun euro / Bi mila eta bostehun euroak
- Hamar azterketatan / Hamar azterketetan
- Zazpi emakumek / Zazpi emakumeek
- Bi pertsonarendako bazkaria / Bi pertsonendako bazkaria
- …
Nolanahi ere, zenbaitetan —hitza kontsonantez bukatzen denean— forma berak balio du mugagaberako zein pluralerako. Horrelakoetan testuinguruak esango digu zein den egiazko adiera:
- Bi lagunendako bidaia
- Hiru gizonek
- Ehunka auzotarrekin
- Hamar haurren
- …