OKERRAK: *18€, *2kg, *10cm, *22ºC…

OKERRAK: *18€, *2kg, *10cm, *22ºC

ZUZENAK: 18 €, 2 kg, 10 cm, 22 ºC

Azalpena: zenbakiaren eta sinboloaren artean hutsune edo tartea utzi behar da.

Hona hemen Internet sarean topaturiko zenbait akats:

  • *Baina 18€ balio du liburuak, ez 23€.
  • *Lau astetan 2kg baino gehiago galdu ditu.
  • *Bakoitzak 10cm inguru luze eta 6cm zabal ditu.
  • *Udan zenbait hilabetetako batez besteko tenperaturak 22ºC-ren gainetik ibili ohi dira.

Honela behar dute zuzenak izateko:

  • Baina 18 € balio du liburuak, ez 23 €.
  • Lau astean 2 kg baino gehiago galdu ditu.
  • Bakoitzak 10 cm inguru luze eta 6 cm zabal ditu.
  • Udan zenbait hilabetetako batez besteko tenperaturak 22 ºC-ren gainetik ibili ohi dira.

Nazioarteko sinbolo hauen erabileraren edota idazkeraren inguruan gehiago jakin nahi izanez gero, jo ezazue bi esteka hauetara:

a) Blog honetako Zentimetro, zentilitro, zentigramo sarrerara

b) Euskara Batuaren Eskuliburua, Sinboloak (nazioartekoak) sarrerara

Utzi erantzuna

Zure e-posta helbidea ez da argitaratuko. Beharrezko eremuak * markatuta daude