OKERRAK: *laburmetraia, *luzemetraia

OKERRAK: *laburmetraia, *luzemetraia

ZUZENAK: film labur, film luze

Euskara Batuaren Eskuliburuan datorrenez, *laburmetraia eta *luzemetraia hitzak ez dira zuzenak. Horien ordez, film labur eta film luze erabiliko ditugu. Honatx azalpena:

Hona hemen Internet sarean aurkituriko akats batzuk:

-*Euskal Zinemaren Astean luzemetraia onenaren saria jaso du.

-* Diruz lagundutako zortzi proiektu luzemetraiak dira.

-*Laburmetraia bat osatu dute Indiako Rama eta Sita kondairari buruz.

– *”Pilota Girls” laburmetraiaren emanaldia izango da urtarrilaren 12an.

Honela beharko lukete zuzenak izateko:

-Euskal Zinemaren Astean film luze onenaren saria jaso du.

-Diruz lagundutako zortzi proiektu film luzeak dira.

Film labur bat osatu dute Indiako Rama eta Sita kondairari buruz.

-“Pilota Girls” film laburraren emanaldia izango da urtarrilaren 12an.

Erdaratik kalkaturiko hitz elkarketa okerrak dira *laburmetraia eta *luzemetraia hitzak. Informazio zabalagoa nahi izanez gero, jarraitu Euskara Batuaren Eskuliburuko FILM (*LABURMETRAIA, *LUZEMETRAIA sarrera irakurtzen.

Bestalde, zinemagintzarekin nolabaiteko zerikusia duten bi sarrera hauek ere interesgarriak dira:

Okerrak: *filma bat, *filman, *filmako, *filma onena…

“gidoi” ez da “marra” edota “marratxo” hitzen sinonimoa

Utzi erantzuna

Zure e-posta helbidea ez da argitaratuko.