Oso argia da akatsa, ezta?
Kategoriaren artxiboa: Deklinabidea
Okerra: *Ordu batak dira
Zuzena: Ordu bata da
Halaxe adierazi zuen Euskaltzaindiak 35. araua: Orduak nola esan arauan. Gainerako orduetan, ordea, aditza pluralean erabiltzen da: Ordu biak dira, Hirurak dira, Laurak dira…
OKERRAK: *urtarrilaren 11a, *urtarrilaren 11ea, *urtarrilaren 11an, *urtarrilaren 11ean
Data idazteko garaian, 11 zenbakiak hamaika arazo sorrarazi ohi du.
Ea item hauetan zalantzarik duzun!
[gravityform id=”8″ title=”true” description=”true”]
Zalantzarik izan baduzu, jarrai ezazu sarrera hau irakurtzen.
Zuzenak: “eskuinera” eta “eskuinetara” zein “ezkerrera” eta “ezkerretara”
Euskara batuan zuzenak dira eskuinera eta eskuinetara zein ezkerrera eta ezkerretara formak.
Hona hemen Ereduzko Prosa Gaur corpusetik hartutako adibide batzuk:
- Makina hori hiru eratara mugitzen zen: aurrera, ezkerrera eta eskuinera.
- Zuk eskuinera jotzen baduzu, ni ezkerrera joango naiz.
- Zure etxetik irtenda, ezkerretara ala eskuinetara?
- Epailearen eskuinetara zeuden zinpeko bederatziak, eta ezkerretara fiskala eta lau abokatuak.
Oharrak. Euskaltzaindiaren Hiztegi batuan ohar hauek datoz gai honen inguruan:
Okerra: *maiatzaren 1an / Zuzena: maiatzaren 1ean
Bihar maiatzaren bata izango da eta, horren harira, honatx Interneten aurkitutako zenbait oker:
- *Maiatzaren 1an feministok kalean izango gara!
- *Maiatzaren 1an Baionan egin ziren ekimenen bideoa.
-
*Zubi hontako ordutegia honako hau da: Maiatzaren 1an ostirala, 2an larunbata, eta 3an igandea: goizeko 10:30etatik 15:00tara
Honela behar zuten zuzenak izateko:
- Maiatzaren 1ean feministok kalean izango gara!
- Maiatzaren 1ean Baionan egin ziren ekimenen bideoa.
- Zubi honetako ordutegia honako hau da: maiatzaren 1ean —ostirala—, 2an —larunbata—, eta 3an —igandea—: goizeko 10:30etik 15:00etara.
Errotulua: *KLUB
KLUBA jarri behar zuen eta ez *KLUB.
Halere, esan beharra dago Euskaltzaindiaren Hiztegian jasota dagoela klub hitza baina dituen hiru adieretako bakar bat ere ez datorrela bat testuinguru horrekin.
“elkartea” jartzea zen egokiena.
Akats mota bera dugu jasoa blog honetan bertan argitaratutako Errotulua: *SAGARDOTEGI sarreran.
Okerrak: *martxoaren 16ean, *martxoaren 16eko, *martxoaren 16etik, *martxoaren 16era…
Zuzenak: martxoaren 16an, martxoaren 16ko, martxoaren 16tik, martxoaren 16ra…
“Hamasei” diptongoz amaitzen da. Diptongoz bukatutako hitzak bokalez bukatutako beste edozein bezala deklinatu behar dira. Hala dio Euskaltzaindiaren 29. arauak: Diptongoz bukatzen diren izenen deklinabidea. Hortaz, bokalez bukatutako beste edozein zenbaki bezalaxe deklinatu behar dugu 16 (hamasei).
Gai honi lotuta, ikus blog honetan bertan argitaratutako beste hiru sarrera hauek ere:
a) Okerrak: *2014ean, *2014eko, *2014etik, *2014era…
b) Okerrak: *irailaren 4ean, *irailaren 4eko, irailaren 4etik, irailaren 4era…
c) Okerrak: *martxoaren 24ean, *martxoaren 24eko, *martxoaren 24etik…
d) Okerrak: *ekainaren 6ean, *ekainaren 6eko, *ekainaren 6etik, *ekainaren 6era…
Okerrak: *Iruñeako, *Iruñeatik, *Iruñeara, *Iruñearantz, *Iruñearako
Okerrak: *Iruñeako, *Iruñeatik, *Iruñeara, *Iruñearantz, *Iruñearako.
Zuzenak: Iruñeko, Iruñetik, Iruñera, Iruñerantz, Iruñerako.
Honatx Internet sarean aurkitutako oker batzuk:
- *Kazetariak egunero Iruñeako kaleetako giroaren berri eman digu.
- *Esku hutsik bueltatu dira Iruñeatik.
- * Larunbatean, ikasleok Iruñeara!
- *Autoan sartu eta Iruñearantz abiatu ginen.
- *Iruñearako autobusa 08:30ean abiatuko da.
Beste modu honetan behar zuten zuzenak izateko:
- Kazetariak egunero Iruñeko kaleetako giroaren berri eman digu.
- Esku hutsik bueltatu dira Iruñetik.
- Larunbatean, ikasleok Iruñera!
- Autoan sartu eta Iruñerantz abiatu ginen.
- Iruñerako autobusa 08:30ean abiatuko da.
Okerrak: *urriaren 14ean, *urriaren 14eko, *urriaren 14etik, *urriaren 14era…
Zuzenak: urriaren 14an, urriaren 14ko, urriaren 14tik, urriaren 14ra…
Okerrak: *irailaren 4ean, *irailaren 4eko, *irailaren 4etik, *irailaren 4era…
Okerrak: *irailaren 4ean, *irailaren 4eko, *irailaren 4etik, *irailaren 4era…; hau da, okerrak dira: *irailaren lauean, *irailaren laueko, *irailaren lauetik, *irailaren lauera…
Zuzenak: irailaren 4an, irailaren 4ko, irailaren 4tik, irailaren 4ra…; hau da, zuzenak dira: irailaren lauan, irailaren lauko, irailaren lautik, irailaren laura…