Zuzenak: ekainaren 6an, ekainaren 6ko, ekainaren 6tik, ekainaren 6ra…
Kategoriaren artxiboa: Deklinabidea
Okerrak: *Unaiek, *Unaien, *Unaiekin, *Unaientzat…
Zuzenak: Unaik, Unairekin, Unairentzat, Unairen…
Okerrak: *sakelean, *sakeleko, *sakeletik, *sakelera, *sakeleratu…
Zuzenak: sakelan, sakelako, sakelatik, sakelara, sakelaratu…
Hiztun batzuen ustez, *sakel da hitza eta ez sakela. Uste oker horretatik datoz akats horiek.
Ikus Euskaltzaindiaren Hiztegi Batuan datorrena:
sakelaratu, sakelara/sakelaratu, sakelaratzen. du ad.
-a itsatsia du sakela hitzak.
Okerrak: *Nafarro, *Nafarrora, *Nafarroko, *Nafarrotik, *Nafarrorantz…
Zuzenak: Nafarroa, Nafarroara, Nafarroako, Nafarroatik, Nafarroarantz… Jarraitu irakurtzen
Okerrak: *martxoaren 24ean, *martxoaren 24eko, *martxoaren 24etik…
Zuzenak: martxoaren 24an, martxoaren 24ko, martxoaren 24tik…
Honatx Interneten topatutako oker batzuk:
- *Aurtengo hitzordua martxoaren 24ean izanen da.
- *Argibide horiek martxoaren 24eko 26/1998 Foru Dekretuaren eranskinean jasota daude.
- *Urtero lez, uztailaren 24etik 28ra bitartean, Jazz doinuek hartuko dute Donostia.
- *Datorren uztailaren 17tik 24era bitartean Viña del Mar-en egingo dute Neguko Barnetegia.
Beste hauek dira zuzenak:
- Aurtengo hitzordua martxoaren 24an izanen da.
- Argibide horiek martxoaren 24ko 26/1998 Foru Dekretuaren eranskinean jasota daude.
- Urtero lez, uztailaren 24tik 28ra bitartean, Jazz doinuek hartuko dute Donostia.
- Datorren uztailaren 17tik 24ra bitartean Viña del Mar-en egingo dute Neguko Barnetegia.
“Hogeita lau” diptongoz amaitzen da. Diptongoz bukatutako hitzak bokalez bukatutako beste edozein bezala deklinatu behar dira. Hala dio Euskaltzaindiaren 29. arauak: Diptongoz bukatzen diren izenen deklinabidea. Hortaz, bokalez bukatutako beste edozein zenbaki bezalaxe deklinatu behar dugu 24 (hogeita lau).
Gai honi lotuta, ikus blog honetan bertan argitaratutako Okerrak: *2014ean, *2014eko, *2014etik, *2014era… sarrera.
Okerra: *nahiean / Zuzena: nahian
Maiz entzuten eta irakurtzen dugu *nahiean forma. Okerra da euskara batuan. Forma zuzena nahian da.
Okerrak: *ordubatetan, *ordubatean eta *ordu batetan. Zuzena: ordu batean
*Ordubatetan, *ordubatean eta *ordu batetan idazkera okerrak dira. Ordu batean da zuzena.
Okerrak: *urriaren 31a, *urriaren 31ea, *urriaren 31an, *urriaren 31ean
Data idazteko garaian, 31 zenbakiak zalantza ugari sorrarazi ohi du, 11 zenbakiak bezalaxe.
- Okerrak: *urriaren 31a, *urriaren 31ea, *urriaren 31an, *urriaren 31ean
- Zuzenak: urriaren 31, urriaren 31n
Okerra: *urriatik *maiatzara
Hilabeteen deklinabideak arazo ugari sortu ohi du. Hona hemen horren adierazgarri den argazki bat: *urriatik *maiatzara jarri beharrean, urritik maiatzera jarri beharko luke.
Okerrak: *urtarrilan, *otsailan, *apirilan, *maiatzan, *ekainan, *uztailan, *irailan.
*Urtarrilan, *otsailan, *apirilan, *maiatzan, *ekainan, *uztailan, *irailan okerrak dira. Zuzenak: urtarrilean, otsailean, apirilean, maiatzean, ekainean, uztailean, irailean.