Etiketaren artxiboa: Ortotipografia

Okerrak: *AEK-ko / *UPN-n / *GKE-en / *AHT-tik…

Utzi erantzuna

Idazkera okerrak: *AEK-ko / *UPN-n / *GKE-en / *AHT-tik…

Idazkera zuzenak: AEKko / UPNn / GKEen / AHTtik…

Euskaltzaindiak 196. arauan erabakitakoaren arabera, testu arruntetan, kasu-markak zuzenean eransten zaizkio siglari, marratxorik erabili gabe —sinboloetan ez bezala—.

Honatx Interneten topatutako idazkera oker batzuk:

-*AEK-ko ikasleek zein ikasle ez direnek balia dezakete aukera.

-*UPN-n ez dela sakoneko ezer aldatuko salatu dute.

-*Euskal Herriko GKE-en azoka solidarioa egin dute Bergaran.

-*Ez du kendu dirurik Guggenheimetik, ezta AHT-tik ere.

Honela beharko lukete zuzenak izateko:

-AEKko ikasleek zein ikasle ez direnek balia dezakete aukera.

-UPNn ez dela sakoneko ezer aldatuko salatu dute.

-Euskal Herriko GKEen azoka solidarioa egin dute Bergaran.

-Ez du kendu dirurik Guggenheimetik, ezta AHTtik ere.

Jarraitu irakurtzen →

OKERRAK: *18€, *2kg, *10cm, *22ºC…

Utzi erantzuna

OKERRAK: *18€, *2kg, *10cm, *22ºC…

ZUZENAK: 18 €, 2 kg, 10 cm, 22 ºC…

Azalpena: zenbakiaren eta sinboloaren artean hutsune edo tartea utzi behar da.

Hona hemen Internet sarean topaturiko zenbait akats:

  • *Baina 18€ balio du liburuak, ez 23€.
  • *Lau astetan 2kg baino gehiago galdu ditu.
  • *Bakoitzak 10cm inguru luze eta 6cm zabal ditu.
  • *Udan zenbait hilabetetako batez besteko tenperaturak 22ºC-ren gainetik ibili ohi dira.

Honela behar dute zuzenak izateko:

  • Baina 18 € balio du liburuak, ez 23 €.
  • Lau astean 2 kg baino gehiago galdu ditu.
  • Bakoitzak 10 cm inguru luze eta 6 cm zabal ditu.
  • Udan zenbait hilabetetako batez besteko tenperaturak 22 ºC-ren gainetik ibili ohi dira.
Jarraitu irakurtzen →