*Bilera eta gero, *atsedenaldia eta gero, *oporrak eta gero… bezalako sintagmak ez dira zuzenak. Bileraren ondoren, atsedenaldiaren ondoren, oporren ondoren… erabiltzeko dio Euskaltzaindiak Hiztegi Batuan.
Sagardotegia
Euskaldunona dugu sagardotegia, baina erdara da errotulu honetan daukaguna.
Euskaraz ez da zuzena errotuluak artikulurik gabe idaztea: SAGARDOTEGIA jarri behar zuen, eta ez *SAGARDOTEGI.
Astegunen izenak minuskula edo letra xehez idazten dira euskaraz: astelehena, asteartea, asteazkena, osteguna, ostirala, larunbata, igandea; eta ez letra larriz: *Astelehena, *Asteartea, *Asteazkena, *Osteguna, *Ostirala, *Larunbata, *Igandea.
*Textu, *experimentu, *mixto, *exklusibo, *exklusibotasun, *experientzia, *exportazio, *exponentzial, *extasi, *expediente… ez daude zuzen idatzita.
Idazkera zuzenak hauek dira: testu, esperimentu, misto, esklusibo, esklusibotasun, esperientzia, esportazio, esponentzial, estasi, espediente…