Okerra: *berataz

Zuzena: beraz

Euskara batuan testuinguru bakar batean ez da zuzena izango *berataz forma.

Hona hemen Internet sarean topaturiko akats batzuk:

–*Bi urte itxaron beharko dira berriro gai berataz galdetzeko.

–*Ez du ulertzen zergatik ari diren berataz gaizki esaka.

–*Zer dakigu berataz? 

–*Orain arte ez dira berataz gogoratu.

Honela beharko lukete:

-Bi urte itxaron beharko dira berriro gai beraz galdetzeko.

-Ez du ulertzen zergatik ari diren beraz gaizki esaka.

-Zer dakigu beraz? 

-Orain arte ez dira beraz gogoratu.

Bai erakusleak, bai izenordainak, beraz forma hartzen dute kasu instrumentalean. Ikus zer dioen Euskaltzaindiak Jagonet zerbitzuan: “Zertaz/nortaz” adieraztea: beraz/*berataz.