Okerrak: *urtarrila bukaeran, *ekaina hasieran, *iraila amaieran…
Zuzenak: urtarril bukaeran, ekain hasieran, irail amaieran…
Okerrak: *urtarrila bukaeran, *ekaina hasieran, *iraila amaieran…
Zuzenak: urtarril bukaeran, ekain hasieran, irail amaieran…
Zuzenak: 2014an, 2014ko, 2014tik, 2014ra…
Maiz entzuten eta irakurtzen ditugu honelakoak:
Zenbait hiztunen ustez, diptongoz bukatutako hitzak kontsonantez bukatutakoak bezala deklinatu behar dira. Uste okerra da hori, diptongoz bukatutako hitzak bokalez bukatutako beste edozein bezala deklinatu behar baitira. Hala dio Euskaltzaindiaren 29. arauak: Diptongoz bukatzen diren izenen deklinabidea.
Bi egiturak dira zuzenak, eta biek esanahi bera dute; nahiz eta, zenbaiten ustez, bata bestea baino egokiagoa izan.
Euskaltzaindiaren Hiztegi batuan sarrera hau dator:
eskerrak: eskerrak zure laguntzari!; eskerrak ez dela etorri; eskerrak etorri ez den.
Zenbaiten ustez, <<ll>> grafia, hau da, <<l bikoitza>> ez da zuzena euskaraz. Uste okerra da hori. Hauek dira gaur egun Euskaltzaindiaren Hiztegian -ll- bilkuraz idatzita agertzen diren hitzetako batzuk: artilleria, ballet, billar, billete, bonbilla, gerrilla, gillotina, gillotinatu, kuadrilla, llama, llollo, llollobelar, pastilla, tortilla.
Hortaz, okerrak dira: *artileria, *balet, *bilar, *bilete, *bonbila, *gerrila, *gilotina, *gilotinatu, *kuadrila, *pastila, *tortila.
Zenbaiten ustez, neurri-unitateak adierazteko, puntua idatzi behar da ikurraren ondoren; adibidez: *cm., *kg., *l., m./s. eta abar. Uste okerra da hori: ez dira laburdurak, nazioartean komunitate zientifikoak adostutako sinbolo edo ikurrak baizik. Beraz, punturik gabe idatzi behar dira: cm, kg, l, m/s eta abar.
Uste okerra da jardun aditzak beti nor-nork motako erregimena eskatzen duela. Lanean jardun du eta Lanean jardun da esaldiak, esaterako, zuzenak dira biak ala biak. Gainera, esanahiari dagokionez, ez dago alderik. Hona hemen Hiztegi Batuan datorren sarrera:
jardun 1, jardun, jarduten. da/du ad.: lanean jardun da / du egun osoa.
Zentimetro, zentilitro eta zentigramo z letrarekin idazten dira euskaraz.
Zenbaiten ustez, ordea, ikurra idatzi behar dugunean ere z letrarekin egin behar dugu euskaraz. Uste ustela da hori: *zm, *zl eta *zg oker idatzita daude. Neurri unitateen sinboloak idazteko, nazioartean komunitate zientifikoak adostu eta erabakitako ikurrak erabili behar ditugu. Hori dela eta, cm, cl eta cg dira zuzenak.
Uste okerra da desberdin, desberdindu eta desberdintasun baino egokiagoak direla ezberdin, ezberdindu eta ezberdintasun. Sei hitzak daude jasota eta ontzat emanda Euskaltzaindiaren Hiztegi Batuan. Hona hemen sarrerak:
Partitiboa eta GABE postposizioa:
Bi esaldi hauetan zein da zuzena?
Zenbaiten ustez b) aldaera bakarrik da zuzena. Uste dute “gabe” postposizioarekin nahitaezkoa dela partitiboa. Uste okerra da, ordea. Bi aldaerak dira zuzenak eta esanahi bera dute. Ikus Euskaltzaindiaren Hiztegi Batuan datorren sarrera:
Okerra beste hau da: *Gatza gabe jateko agindu dit sendagileak.
Zenbaiten ustez, “C” (ze) letra ez da euskal alfabetoko letra. Uste okerra da hori.
Euskaltzaindiaren 17. arauan, Euskal alfabetoaren letren izenak deiturikoan, zehaztuta daude euskal alfabetoa osatzen duten letrak, eta C ere hor dago. Ze du izena.
Arauan, alfabetoaren 27 letren zerrenda osoa eta izenak eman ostean, ohar hau txertatu dute Euskaltzaindikoek: “Letra hauetatik c eta honen aldaera ç (c hautsia), q, v, w, eta y ohiko euskal hitzak idazteko erabiltzen ez diren arren, kanpotar izenak transkribatzeko beharrezkoak direlarik, euskal alfabetoan sartzen dira”.