Euskaltzaindiaren Hiztegi Batuan sarrera hau dator:
Hortaz, euskara batuan *urtebete bat okerra da beti; horren ordez, urtebete erabili behar da.
Okerra: *urtebete bat
Utzi erantzuna
“cm” ala “cm.” idatzi behar da?
Zenbaiten ustez, neurri-unitateak adierazteko, puntua idatzi behar da ikurraren ondoren; adibidez: *cm., *kg., *l., m./s. eta abar. Uste okerra da hori: ez dira laburdurak, nazioartean komunitate zientifikoak adostutako sinbolo edo ikurrak baizik. Beraz, punturik gabe idatzi behar dira: cm, kg, l, m/s eta abar.
Okerra: *urriatik *maiatzara
Hilabeteen deklinabideak arazo ugari sortu ohi du. Hona hemen horren adierazgarri den argazki bat: *urriatik *maiatzara jarri beharrean, urritik maiatzera jarri beharko luke.
Lanean jardun du = Lanean jardun da
Uste okerra da jardun aditzak beti nor-nork motako erregimena eskatzen duela. Lanean jardun du eta Lanean jardun da esaldiak, esaterako, zuzenak dira biak ala biak. Gainera, esanahiari dagokionez, ez dago alderik. Hona hemen Hiztegi Batuan datorren sarrera:
jardun 1, jardun, jarduten. da/du ad.: lanean jardun da / du egun osoa.
Okerrak: *urtarrilan, *otsailan, *apirilan, *maiatzan, *ekainan, *uztailan, *irailan.
*Urtarrilan, *otsailan, *apirilan, *maiatzan, *ekainan, *uztailan, *irailan okerrak dira. Zuzenak: urtarrilean, otsailean, apirilean, maiatzean, ekainean, uztailean, irailean.
Gramatika gaitasuna lantzen (C1)
HABEren ikasmateriala da Gramatika gaitasuna lantzen. C1 mailarako prestatua da, eta, gramatika azalpenez gain, zuzenketa automatikoa duten hainbat ariketa interaktibo dauzkagu eskura: baliokideak eman, itzulpenak egin, egiturak berridatzi, perpausak lotu, hutsuneak bete, esaldiak moldatu…
2000 urtean / 2000. urtean
Itxura batera antzekoak badira ere, zeharo ezberdinak dira bi egitura hauek esanahiari dagokionez:
a) 2000 urtean izugarri aldatu da Iruñea.
b) 2000. urtean izugarri aldatu da Iruñea.
Bien arteko aldeaz jabetu ez bazara, jarraitu irakurtzen.
Zentimetro, zentilitro, zentigramo
Zentimetro, zentilitro eta zentigramo z letrarekin idazten dira euskaraz.
Zenbaiten ustez, ordea, ikurra idatzi behar dugunean ere z letrarekin egin behar dugu euskaraz. Uste ustela da hori: *zm, *zl eta *zg oker idatzita daude. Neurri unitateen sinboloak idazteko, nazioartean komunitate zientifikoak adostu eta erabakitako ikurrak erabili behar ditugu. Hori dela eta, cm, cl eta cg dira zuzenak.
Okerrak: *irailaren 11a, *irailaren 11ea, *irailaren 11an, *irailaren 11ean
Data idazteko garaian, 11 zenbakiak hamaika arazo sorrarazi ohi du.
Ea item hauetan zalantzarik duzun!
1. Bihar ….. izanen da.
a) irailaren 11
b) irailaren 11a
c) irailaren 11ea
2. Azken bilera ….. egin omen zuten .
a) uztailaren 11n
b) uztailaren 11an
c) uztailaren 11ean
3. Zein da zuzena?
a) Uharten, 2013ko irailaren 11n
b) Uharten, 2013ko irailaren 11an
c) Uharten, 2013ko irailaren 11ean
4. Zein da zuzena?
a) Uharte, 2013ko irailaren 11
b) Uharten, 2013ko irailaren 11a
c) Uharte, 2013ko irailaren 11ea
Zalantzarik izan baduzu, jarrai ezazu sarrera hau irakurtzen. Jarraitu irakurtzen
Okerrak: *ekiditzen, *ekiditzea, *ekiditzeko…
Esaldi hauek ez dira zuzenak:
- *Saiatzen gara arazoak ekiditzen, baina ez dugu beti lortzen.
- *Suteak ekiditzeko hainbat gomendio eman dituzte.
- *Gure esku omen dago zenbait arrisku ekiditzea.
Honela behar dute zuzenak izateko:
- Saiatzen gara arazoak ekiditen, baina ez dugu beti lortzen.
- Suteak ekiditeko hainbat gomendio eman dituzte.
- Gure esku omen dago zenbait arrisku ekiditea.