Etiketaren artxiboa: D eredua

Plazent eta atsegin

-n -kargitaratuta
Erantzun

Rikardo Arregi Diaz de Heredia / 2017-12-21 / 541 hitz

Ez naiz ni txikitan telebista euskaraz ikusteko aukera izan duten belaunaldi horien partaidea, ezta eskolan euskarazko liburuak edo filmak irakurri edo ikusi dituzten haur antza zoriontsuagoen taldekoa ere; eskolan kanta bakan batzuk, gehienak gabon-kantak, euskaraz ikasi nituen kasualitatez (gaur egungo haurrek Agur jaunak kantatzen al dute?). Gaztelania zen nagusi eta ikasi egin behar zen atzerriko hizkuntza, frantsesa (Marseillesa buruz dakit oraindik). Oso-oso aspaldi, bai.

Jarraitu irakurtzen →

D eredua zigor bihurtzen denean (dutenean)

-n -kargitaratuta
Erantzun

Itziar Itz / 2016-04-13 / 263 hitz

D eredua zigor bihurtzen denean (dutenean), ikasleak altxatu egiten dira; hala gertatu da Lizarran. D ereduko batxilergoko ikasleak ikastetxearen atean kateatu dira. Eta ez da harritzekoa, euskara ikasteak erraztasunak baino  zailtasunak sortzen baititu sarri.

Jarraitu irakurtzen →

Richard Weyndling: “Altxor polita dago hemen: D eredua”

-n -kargitaratuta
Erantzun

Maialen Belarra / 2016-01-29 / 894 hitz

Ongi ezagutzen du D eredua Richard Weyndling kazetari eskoziarrak (Glasgow, 1961), baita PAI Ingelesez Ikasteko Programa ere. Bi seme ditu, 11 eta 16 urtekoak, eta biek D ereduan ikasten dute. Bi hamarkadaz ingeleseko irakasle izan zen, eta bertze hainbertze daramatza Iruñean bizitzen. Nafarroan ere ingeleseko irakasleen irakasle izana da Nafarroako Gobernuarentzat. Garbi du gaur egun euskarazko eredua dela hezkuntzan eskaintzarik egokiena.

Jarraitu irakurtzen →

Desoreka

-n -kargitaratuta
Erantzun

Iñaki Petxarroman / 2015-11-10 / 182 hitz

Nafarroako aldaketaren gobernua babesten duten bi alderdik —Ezkerrak eta Ahal Dugu-k— PSN eta UPNrekin bat egin dute hezkuntzaren lan eskaintza publikoa errefusatzeko, euskaraz jakitea eskatzen delako lanpostuen bi herenetan. «Desorekatua» da, haien aburuz, 320 irakasle postuetatik 228tan euskaraz jakitea eskatzea. Desorekatua hitz egokia izan daiteke orain arte Nafarroako erakundeek egin duten politika azaltzeko. Baina desorekatua hizkuntzarik ahulenaren aurka, jakina. Batetik, milaka nafarri galarazi dielako euskaraz ikastea, zonifikazioak dakarren hizkuntz apartheid-aren erruz. Eta desorekatua, lege babes falta horren erruz euskara ez aurrera ez atzera utzi dutelako.

Jarraitu irakurtzen →

Hasi da norabide berria

-n -kargitaratuta
Erantzun

Garikoitz Goikoetxea / 2015-10-13 / 995 hitz

Horma bat. Nafarroan euskara nolako egoeran dagoen erakusteko, irudi hori erabili zuen joan den apirilean Kontseiluak, aldaketa eske Iruñean eginiko ekitaldian. Harresi bat, euskarari aurrerabidea mozten ziona. Aldaketa handiak izan dira ordutik. Gobernu berriak euskara zokopetik ateratzeko hitza eman du. Hezkuntza da gakoetako bat. Euskarazko irakaskuntza herrialdeko sare publiko osora hedatuko dute irailean, Euskararen Legea aldatu zutenean ezarri zutenez. Jada hasi dira aldaketak, ordea: hiru herritan, euskarazko D eredua lortu dute, UPNren gobernuek urte luzez ukatutako aukera. Eta, giro horretan, pausoak ematen hasi dira udalak: eremu ez-euskalduna utzi eta mistora pasatzeko eskatu dute Antzinek eta Villatuertak. Litekeena da udal gehiagok ere eskari berbera egitea. Horma pitzatzen hasi da.

Jarraitu irakurtzen →