Ihintza Elustondo / 2015-10-28 / 1035 hitz
Gorputz guztia oinen gainean joan ohi da. Begi bistako ebidentzia dirudien arren, sarritan ez zaio behar besteko garrantzirik ematen oinetako egokiak aukeratzeari. Diseinuari eta prezioari erreparatzeko joera dute askok, baina nork bere oina ondo ezagutzea da garrantzitsuena adituen arabera, haren ezaugarrietara egokitutako zapatilak erosteko. Behobia-Donostia lasterketarako egun gutxi falta dira, eta korrika egiteko oinetako egokiak ez aukeratzeak dituen arriskuez ohartarazi dute podologo eta saltzaileek.