Ikasleen sarbidean aldaketa handirik ez dute egingo bi unibertsitate publikoek. Ikasleek 14 puntu arte lortu ahalko dituzte sarbiderako
Errebalidekin ere, sarbide ereduari eutsi egingo diote EHUk eta NUPek
Erantzun
Etiketaren artxiboa: Selektibitatea
Azterketak
Marian Iriarte / 2016-06-19 / 236 hitz
Ikasturtea amaitzear dago, ikasleak estresatuta, irakasleak nekatuta, baina gutxi falta da. Animo! Azkenengo astean denon ahotan ibili dira unibertsitatera sartzeko probetan azterketa batekin izandako gorabeherak. Ez naiz hasiko zutabe honetan haren alde edo aurka eztabaidatzen, ez da hori nire asmoa. Baina bai ikasleek batzuetan irakurritakoa ulertzeko duten zailtasunari buruz. Mundu espezializatu honetan, batzuen ustez ingeniaria izan nahi duen ikasleak ez luke denbora zertan galdu letretako beste jakintzagai batzuetan. Zertarako filosofia? Edo, hain garrantzitsua al da txukun idaztea? Batzuek eta besteek aitortu dute ditxosozko azterketa horretan edukia baino gehiago forma izan dela arazo nagusia.