Zenbait hiztunek ohitura handia dute komuneko eremua, komuneko erabakia, komuneko helburua, komuneko interesa, komuneko ondarea, komuneko sistema eta antzekoak erabiltzeko, beste hauek erabili beharrean: eremu komuna, erabaki komuna, helburu komuna, interes komuna, ondare komuna, sistema komuna.
Oker: km 1, € 1, °C 1…
Zuzen: 1 km, 1 € , 1 °C…
Euskaltzaindiak 197. arauan ezarritakoaren arabera, 1 zenbakia sinboloaren aurretik idazten da —gainerako zenbakiak idazten diren bezala— .
Hortaz, honako hau da idazkera egokia:
1 km, 1 € , 1 °C…
Hala ere, irakurtzeko garaian, irakurketa naturala egin behar da, hau da, neurri unitatearen ondoren esan behar da.
Hortaz, hau da irakurketa egokia:
kilometro bat, euro bat, gradu bat…
Jarraitu irakurtzenOkerra: *berataz
Zuzena: beraz
Euskara batuan testuinguru bakar batean ez da zuzena izango *berataz forma.
Hona hemen Internet sarean topaturiko akats batzuk:
–*Bi urte itxaron beharko dira berriro gai berataz galdetzeko.
–*Ez du ulertzen zergatik ari diren berataz gaizki esaka.
–*Zer dakigu berataz?
–*Orain arte ez dira berataz gogoratu.
Honela beharko lukete:
-Bi urte itxaron beharko dira berriro gai beraz galdetzeko.
-Ez du ulertzen zergatik ari diren beraz gaizki esaka.
-Zer dakigu beraz?
-Orain arte ez dira beraz gogoratu.
Jarraitu irakurtzenOkerrak: hontaz, hontan, hontara, hontatik, hontako, hontaraino, hontarantz, hontarako, hortan, hortara, hortatik, hortako, hortaraino, hortarantz, hortarako
Zuzenak: honetaz, honetan, honetara, honetatik, honetako, honetaraino, honetarantz, honetarako, horretan, horretara, horretatik, horretako, horretaraino, horretarantz, horretarako
Euskara baturako desegokiak dira gorriz eman ditugun aldaerak eta, horien ordez, berdez jarri ditugunak erabili behar dira.
Honatx Internet sarean topatutako akats batzuk:
-*«Eremu berri hortan, 80 lanpostu sortuko ditugu».
-*Ostiral hontatik aurrera salgai egongo dira.
-*Entzuna dut batzuek gisa hortako klub bat sortu nahi luketela.
Euskara batuan honela behar dute:
-«Eremu berri horretan, 80 lanpostu sortuko ditugu».
-*Ostiral honetatik aurrera salgai egongo dira.
-*Entzuna dut batzuek gisa horretako klub bat sortu nahi luketela.
Jarraitu irakurtzenEuskaltzaindiak eta UZEIk antzerkigintzarekin zerikusia duten hitz batzuk aukeratu dituzte Euskaltzaindiaren Hiztegitik, eta Antzerkigintza Euskaltzaindiaren Hiztegian izeneko hiztegitxoa osatu dute.
HEMEN duzue estekaturik.
Euskaltzaindiak eta UZEIk inauteriekin zerikusia duten hitz batzuk aukeratu dituzte Euskaltzaindiaren Hiztegitik, eta hiztegitxo bat osatu dute.
HEMEN duzue estekaturik.
OKERRAK: *seguraski, *segurasko
ZUZENAK: segur aski, seguru asko
Oker idatzirik daude *seguraski eta *segurasko.
Euskaltzaindiaren Hiztegian, segur hitzari dagokion sarreran, hau dator besteak beste:
OKERRAK: *laburmetraia, *luzemetraia
ZUZENAK: film labur, film luze
Euskara Batuaren Eskuliburuan datorrenez, *laburmetraia eta *luzemetraia hitzak ez dira zuzenak. Horien ordez, film labur eta film luze erabiliko ditugu. Honatx azalpena:
Hona hemen Internet sarean aurkituriko akats batzuk:
-*Euskal Zinemaren Astean luzemetraia onenaren saria jaso du.
-* Diruz lagundutako zortzi proiektu luzemetraiak dira.
-*Laburmetraia bat osatu dute Indiako Rama eta Sita kondairari buruz.
– *”Pilota Girls” laburmetraiaren emanaldia izango da urtarrilaren 12an.
Honela beharko lukete zuzenak izateko:
-Euskal Zinemaren Astean film luze onenaren saria jaso du.
-Diruz lagundutako zortzi proiektu film luzeak dira.
–Film labur bat osatu dute Indiako Rama eta Sita kondairari buruz.
-“Pilota Girls” film laburraren emanaldia izango da urtarrilaren 12an.
Jarraitu irakurtzenGero eta gehiago hitz egiten da hedabideetan nahiz kalean klima-aldaketaz eta aldaketa horri aurre egiteko hartu behar diren neurriez. Ondorioz, klima-aldaketaren inguruko esamolde ugari ari dira txertatzen eguneroko hizkeran. Sortu den behar horri erantzuteko, Euskaltzaindiak Klima-aldaketaren oinarrizko lexikoa argitaratu du UZEIren lankidetzarekin.
OKERRAK: *18€, *2kg, *10cm, *22ºC…
ZUZENAK: 18 €, 2 kg, 10 cm, 22 ºC…
Azalpena: zenbakiaren eta sinboloaren artean hutsune edo tartea utzi behar da.
Hona hemen Internet sarean topaturiko zenbait akats:
Honela behar dute zuzenak izateko: