Kategoriaren artxiboa: Naiz.eus
Norbere datuak azalaren azpian txertatuta
Camille Bass-Wohlert / 2018-05-27 / 486 hitz
Sustatzaileek onurak baino ez dituzte nabarmentzen. Norbere datuak azalaren azpian txertatzeak bizimodua errazten diela diote erabiltzaileek. Badira, ordea, arriskuez ohartarazten dutenak, bai osasun mailakoez baita datuen babesari dagozkionak ere. Suedian gero eta jende gehiago ari da inplante elektronikoak jartzen eta haiekin giltzak edota sarbide txartelak ordezkatzen.
Asier Barandiaran, filologoa: «Nafarroako literatura momentu garrantzitsuetan egon da presente»
Ariane Kamio / 2018-05-28 / 685 hitz
Nafarroako idazle euskaldunen antologiaren lehen liburukia argitaratu du Nafarroako Gobernuak, Asier Barandiaran (Galdakao, 1970) koordinatzaile. Bernard Etxepareren lanetatik abiatu eta Franzisko Laphitzerainokoa da ibilbidea. Erdi Aroa, Errenazimentua eta Erromantizismoa hartzen ditu tartean. Bidean dira XX. mendetik aurrerakoak biltzen dituzten liburuki gehiago.
Normaz kanpoko emakumea, mundu arraro batean espioi
Mertxe Aizpurua / 2017-10-21 / 910 hitz
Bi aukera soilik zituen: jasanezina egiten zitzaion pobrezia onartzea ala arriskuaren amildegi estuan sartzea. Muga zorrotz horren artean hautua egitera behartuta zegoen. Eta egin zuen.
Triatloia gazteentzat
Gotzon Aranburu / 2017-04-14 / 782 hitz
Triatloia eta umeak. Bi hitz itxura batean kontrajarriak, ez baititugu imajinatzen adin txikikoak kirol hirukoitz gogor hori praktikatzen. Baina pixka bat sakonduz gero, ikusten da triatloiaren klixea –Iron Man, alegia– ez datorrela bat errealitatearekin, eta umeentzako gozamen hutsa izan litekeela korrika egitea, igeri egitea eta bizikletan ibiltzea, beti ere poliki poliki hasiz gero eta irakaske egokiak bidelagun izanda.
Grezian ez aurrera ez atzera geratu diren errefuxiatuek futbola maite dute
Patxi Gaztelumendi / 2017-02-11 / 606 hitz
Urrunetik etorritako gazte askoren ametsa da orain Europa. Batzuk harrapatuta daude Grezian, eta denbora da soberan duten gauza bakarra. Eta egoera horri aurre egiteko kirola da aukeretako bat. Bazter guztietako errefuxiatuek futbola maite dute, eta ametsak gauzatzeko zeregin ere bilakatu da beraientzat. Futbolean aritu, lana egin eta paperak lortzea da uneotan duten zeregin nagusia. Etorkizuneko proiektuak dituzte, baina ezin dute Greziatik mugitu. Horregatik denbora eramangarriago egiteko ekintzetan aritzen dira.
Munduko hotelik onenean bizi dira 400 errefuxiatu Grezian
Patxi Gaztelumendi / 2017-02-03 / 676 hitz
City Plaza hotela Atenas erdian dago. Zazpi urtez hutsik egondako luxuzko hotela okupatu zuten 2016ko apirilean zenbait aktibistak. Eta errefuxiatuen bizitza hobetzeko helburuarekin atondu zuten zazpi solairuko eraikina. Geroztik bertan bizi dira Grezian harrapatuta geratutako 400 errefuxiatu –tartean 180 haur inguru–. Elkartasun eta elkarbizitzarako gune autogestionatua da, gerratik ihesi eta bizitza berri eta hobe baterako bidean, luzatzen ari den geldiune honetan.