Itsaso Nabaskues / 2016-10-25 / 780 hitz
Eskola kirola 7-16 urte bitarteko pertsonek eskolatze aldian eta hezkuntza sistemaren barruan irakas-orduetatik kanpo egien duten kirol antolatua da. Eskola Kirolak izaera hezitzailea du eta haren helburua parte hartzaileei heziketa integrala, epe luzerako kirol heziketa, kirol mota ezberdinak ezagutzea eta eskola-haur GUZTIEI parte hartzeko aukera bermatzea da. Altu esan daiteke beraz, legeen arabera “Lehiaketa ez dela jomuga”.
Mikel Garcia Idiakez / 2016-10-10 / 226 hitz
Ez al dituzte gizon guztiek euren konkistak haizatzen? Ez al da naturala gure balentriez apur bat fardatzea, maliziarik gabe? Geneetan daramagu, bestela zergatik hauspotu dute hainbeste gure txorta-jotzea whatsappez whatsapp, komentario jokosoz, txaloz eta emotikono ironikoz lagunduta, zergatik bilatu dute sarean zein den emakumea eta gustura aritu dira katxondeatzen? Kezka gutxi tiparekiko, eta orain marroia nik jan behar, zer eta gutxi batzuei erakusteko eta barre batzuk botatzeko bideoa grabatzeagatik. Pentsatu al du norbaitek nola eragin diezaiokeen honek nire irudiari, nire karrerari? Jainkoarren, Lehen Mailako futbolaria naiz! Emakume hori ez da inor; umiliatuko dutela? Gustura asko aritu zen ba, ederki gozatu zuen, eta bi jokalari profesionalekin gainera! Duela gutxi Italian neska batek bere buruaz beste egin zuela antzeko kasu baten ondorioz? Baina oraingo amek ez al diete esaten txintxo portatzeko, suarekin jolasteak erre zaitzakeela? Salaketa jarri dit eta bi delitu egin omen ditut, baimenik gabe intimitatean gertaturikoa grabatzea eta irudi horiek zabaltzea, baina lasai nago, pasako da guztia, ez naiz ez lehenengo ez azkeneko futbolari profesionala eskandalu sexualen batean harrapatu dutena eta beti atera dira onik, hemen futbolari ona izatea da inportanteena eta horrelako txikikeriak onartzen zaizkigu, gu ez gara edonor, negozioaren parte garrantzitsua gara, ziur zale gehienen babesa izango dudala; zelaian huts egiten badut, orduan bai, entzungo ditut txistuak. Zorionez, asko dira oraindik nik bezala pentsatzen dutenak, feminaziek xaxatuta batzuek zarata pixka bat atera duten arren.
Jon Intxaurraga / 2016-10-09 / 386 hitz
Behin Donostiako estropadetan lagun bat ikaratuta etorri zitzaigun. Beldurrez berba egin zigun. Neska batekin ligatu zuen eta beldurra ematen zion norbaitek grabatu izanak. Ez zuen guztion sakelakoetan agertu nahi eta pentsatzeak berak izutzen zuen. George Orwellen 1984 liburuak kameraz betetako herri bat deskribatzen digu. Kamerek islatzen dute Estatua ahalguztiduna dela eta ezinezkoa dela bere atzaparretatik kanpo bizi. Gainera, denboran zehar bidaia zezakeen estatuak eta noizbait esan eta esango zenuen edozer gordailutik atera eta bizitza hondatzeko aukera zuen. Gaur ez gara estatu ahalguztidunean bizi baina bai geure bizitzak grabatzen dituen gizarte batean, non sakelakoak eta asmo okerreko lagunen batek bizitza honda diezazuketen. Berbarako, Italian neska batek bere buruaz beste egin zuen irailean.
Aintzane Muguruza / 2016-10-09 / 622 hitz
Ezagunek beraien udako ibilbideak, gertaerak, aisialdi aukerak kontatzen dizkidatenean… ez dut ukatuko, inbidia pittin bat sentitzen dut. Nik ere nahiko nuke bidaiatu, antzerkira, zinemara, museoetara joan, lanean irabazten dudan dirua niretzako, nahi dudan edozertarako, gastatu ahal izan. Lagunekin egoteko denbora librea eduki. Paseatzeko, irakurtzeko, bidaiatzeko… Nahiko nuke.
Zuhaitz Ordoki / 2016-09-24 / 330 hitz
Askotan errepikatzen den gaia da, badu morboa, badu desitxuratzea, eta badu demagogia. Beti dago kasuren bat, beti entzuten dugu albistegietan “eztabaida berriz ere azaleratu da”, ez da modaz pasatzen. Emakume musulmanak eskolara zapia jarrita joan daitezke, bai edo ez?
Tere Maldonado / 2016-09-20 / 729 hitz
Egun gutxiko tartean, bi albiste harrigarri ezagutzeko parada izan dugu. Ustez ohituretan oso aurrerakoia den Frantzian izan dira bi gertakizun larriok. Lehenengoan, Nizako hondartza batean, lau gizon armatuk (lau poliziak, alegia) emakume bat larrugorritzera behartu zuten edo, behintzat, jantziak arintzera, arropa gehiegi zeramatzalakoan; gizonak zutik, emakumeari begira, azken hori hareatan eserita, alboan alaba negar batean zeukala. Bestean, Frantziako bertako beste puntako kostaldean, pertsona talde batek kristoren jipoia eman zion topless egiten zegoen emakume bati, hori ere senar eta seme-alabekin zegoela. Senarrak ezin izan zuen emaztea lagundu, bera ere kolpatu baitzuten eta asko baitziren erasotzaileak. Hedabideek kontatu zutenaren arabera, «basatia» izan zen erasoa. Suposatzen dut kasu horretan ere seme-alabek negar egingo zutela.
Ion Cerezo / 2016-09-13 / 261 hitz
Oso ohikoa da zezenketara doazenei kulturarik ez dutela leporatzea eta zezenketak kultura ez direla esatea. “Ni arte, ni kultura” nik ere garrasi egin izan dut. Zezen plazara irakurtzera joan izan dira batzuk, benetako kultura zein den erakustera edo, eta gaur, Tordesillasen gertatzen ari denaren harira, entzierro horretan parte hartzen ari direnei liburuak jaurti beharko litzaizkiekeela entzun dut, broma tonuan.