Kategoriaren artxiboa: Jarraibide testua

Asteburu honetan: txerri saiheskia labean

-n -kargitaratuta
Erantzun

Pagotxa / 2016-05-14 / 218 hitz

Asteburu honetarako euria agindu dute. Ez horregatik, baina horregatik ere bai, proposamen zehatza dator gaurkoan: txerri saiheskia erreta.

Barazkijalea edo beganoa bazara, SUKALDE MOTA aukeran begiratu beharko duzu gure bihotzeko errezetak biltzen dituen  PAGOTXAN, izan ere jai baitaukazu gaurko proposatzen dizugun platerarekin. Baina, osterantzean, poztuko zara zinez proposamenarekin: merkea, erraza eta ahoa betetzen duen horietako. Eta ez ahaztu: hezurrak ez dira zuretzat, izan eskuzabala eta eman katuari (edo zakurrari). On egin!

Jarraitu irakurtzen →

Nabigatzailea euskaraz: mugikorrean ere lehen hitza euskaraz, Firefoxekin

-n -kargitaratuta
Erantzun

sustatu.eus / 2016-05-10 / 661 hitz

Interneten nabigatzen ari zarela, zure nabigazio-hizkuntza konfiguratzea eta euskara lehenestea oso garrantzitsua da. Izan ere, nabigatzailearen hizkuntzak esaten dio munduari zein den zure lehenengo hizkuntza. Zein da zurea? Euskara? Eta nola daukazu konfiguratuta zure nabigatzailea? Euskalduna bazara, Interneten ere euskaraz. Eta adi: nabigatzaileko menuak euskaraz ikusi arren, horrek ez du esan nahi zure nabigazio-hizkuntza euskara denik. Nabigatzailearen ezarpenetara sartu, eta euskara lehenetsi beharko duzu.

Jarraitu irakurtzen →

Asteburu honetan: Pizza, tomate, mozzarela, albaka eta antxoilekin

-n -kargitaratuta
Erantzun

Pagotxa / 2016-05-07 / 198 hitz

Alferrak gara baina ez hainbeste. Gaur etxean bertan eginiko orearekin osatuko dugu pizza. Eta inguruan ditugun beste zenbait osagarirekin. Onena azkar-azkar hemen azpiko bideoa ikustea duzu. On egin!

Jarraitu irakurtzen →

Txekor masailak onddoekin eta arrozarekin

-n -kargitaratuta
Erantzun

Iker Markinez / 2016-03-19 /209 hitz

OSAGAIAK

4 LAGUNENTZAT

Kilo bat txekor masail.
Porru bat.
Bi tipula.
Bi azenario.
Lau baratxuri ale.
200 gramo onddo.
100 gramo arroz.
Piper beltz ale batzuk.
3/4 litro ardo beltz.
Porto basokada bat.
Oliba olioa.
Gatza.

1

Lapiko handi bat su bizian berotzen jarri. Txekor masailak bertan jarri, eta oliba olio zorrotada bat bota, baita gatz pitin bat ere.

2

Su bizian mantendu lau minutuz alde batetik, eta, gorritzean, beste aldetik beste lau minutuz.

3

Bitartean, porru, tipula, azenarioa, eta baratxuri aleak, garbitu, zuritu eta pusketatan moztu. Masailak ondo gorrituta dauzkagunean, barazki guztiak lapikora gehitu, sua moteldu, eta hamabost minutuz erregosi.

4

Porto basokada bat gehitu, eta ardo beltza ere bai. Horrekin batera, piper beltz aleak gehitu eta sua bizitu. Ardoak duen alkohol soberakina guztiz lurrintzeko, gutxi gorabehera hogei bat minutuz irakiten mantendu, lapikoko salda kantitatea erdira murriztu arte.

5

Ura gehitu lapikora, masailak estali arte. Ordubete inguru irakiten eduki masailaren samurtasunaren arabera.

6

Masailak lapikotik erretilu batera atera. Lapikoan duguna txinotik pasatu, eta gatzez nola dagoen dastatu.

7

Onddoak xaflatan moztu, eta lapiko batean oliba olio zorrotada batekin bost bat minutuz erregosi.

8

Arroza gehitu, eta urez estali. Gatza bota. Hamabost bat minutuz egosi. Masailak eta saltsa bertara gehitu. Bost bat minutuz irakin ondoren, prest izango dugu jaki goxo eta osoa, plater nagusi zein bigarren platera delako.