apika

Digitalizazio Arduratsua gazteenen kontzientzia digitala pizteko helburua duen proiektua da. Ikasmaterial honen bidez, belaunaldi berriek teknologia eta mundu digitalean egiten duten erabileraren inguruko kontzientzia sortu nahi da. Gazteek egunerokotasunean oso presente dute teknologia, sare sozialak, ikus-entzunezko edukiak eta horien erabilera kontzientea eta arduratsua egitea beharrezkoa da. Horregatik, ondorengo lanketan, teknologia burujabetza eta digitalizazio arduratsuaren inguruan hausnartu, ikasi eta ondorioztatzeko ariketak proposatzen dira.

Sekuentzia didaktiko honetan DBH 1. eta DBH 2. mailan erabiltzeko baliabide didaktikoak aurkezten dira.

Taupa

Taupak Hiztegitxoak, Zure egunerokotasunerako hiztegiak izeneko oinarrizko hiztegiak argitaratu ditu webgunean, euskaratik beste hizkuntzetara eta beste hizkuntzetatik euskarara. Sartu eta ikusi!!!

BERRIA, Mantangorri / 2025-05-31

Galtzagorri elkartea

Urriaren 24an, ostegunean, Eskola Liburutegiaren Eguna ospatuko da eta, OEPLIk antolatuta, pregoi bat irakurriko dute eta estatuko lau hizkuntzetan emango. Pregoia Patxi Zubizarreta euskal idazleak ondu du eta Laia Gimenez Buenaventurak ilustrazio bat sortu du. 

Zubizarretak, bere testuan, besteren artean, kontatzen du beti esan izan duela haurra zenean ez zuela liburutegirik izan. Gaur egun, ordea, liburutegia izan bazuela jabetu da Ordiziako (Gipuzkoa) bere eskolan liburutegia egon bazegoelako. 

Eskola liburutegiak gero eta urriagoak diren honetan, eta haietan irakasle ez diren liburuzainak gero eta gutxiago diren honetan, eskola liburutegien egun bat egotea eta ospatzea ezinbestekoa da.