Kategoriaren artxiboa: Iritzia

Room ( Lenny Abrahamson)

-n -kargitaratuta
Erantzun

Kameraren atzean / 2016-02-26 / 525 hitz

Film Onenaren Oscarrerako izendaturiko zortzi hautagaien artean ezezagunena eta oihartzun gutxien izan duen filma da Room. Lazgarria eta hunkigarria aldi berean, Lenny Abrahamson zuzendari irlandarrak Emma Donoghueren eleberria maisutasunez eraman du pantaila handira, urteko film boteretsuenetako bat eraikitzeraino. Moldaketa zinematografikoak halako indarra izatearen erantzule da, hein handi batean, Donoghue bera gidoilari lanetan aritu izana, baina kontakizuna harago doa ikusle ororengan sentsazio unibertsalak transmititzea lortzen duelako irudi eta girotze pisutsu bezain iradokitzaileen bitartez.

Jarraitu irakurtzen →

‘Spotlight’ hemen, gaur

-n -kargitaratuta
Erantzun

Alberto Barandiaran / 2016-03-01 / 661 hitz

Spotlight filmaren eszena batean, protagonistak, Boston Globe egunkariko ikerketa saileko kazetari beterano batek, galdetzen dio ikaskide ohiari ea ze kirola egiten zuen berak, institutu garaian. «Beisboleko taldean nintzen», erantzuten dio lagunak. «Ni errugbian aritzen nintzen. Hockey taldea Anaia Talbotek zuzentzen zuen. Gu biotako edonork hockeya hautatu izan bagenu, gaur, beharbada, ez ginen hemen egongo». Anaia Talbotek hainbat gazte bortxatu zituen Bostongo auzo dotore bateko eskola batean, 70eko hamarkadan. Gazte horiek ez ziren bereziki erakargarriak, bereziki gazteak, bereziki txiroak edo bereziki aberatsak. Hockeya gustatzen zitzaien, eta anaia Talbotek institutu horretako hockey taldea zuzentzen zuen, besterik ez.

Jarraitu irakurtzen →

Hodei Egiluz

-n -kargitaratuta
Erantzun

Garbiñe Ubeda / 2016-02-21 / 166 hitz

Bi urte eta erdi eman ditu desagertuak bizirik, ezagutu zutenen eta maitatu zutenen gogo-bihotzean. Ez dagoelako beste aukerarik, ez dagoelako beste aterik desagertzeari aurre egiteko, bizitzaren arrastoari jarraitzea ez bada. Desagertzea hitz zirkunstantziala besterik ez delako, behin-behineko deitura, ordezko ordain itsusia, egoerari definizio zehatza aurkitu artean; eta zehaztasun gabezia horrek baduelako beti indar ahaltsu eta ekidinezin bat, denik eta ederrena, muinetik tiraka: itxaropena. Bizitzari lotzen gaituen motorra. Pentsamendu logiko ororen aurka izango bada ere, gailentzeko zirrikitua nonahi eta salbuespenik gabe aurkitzeko bidea egingo duena.

Jarraitu irakurtzen →

Haur-futboleko ikuskizun tamalgarriei aurre egiteko, autoarbitrajea

-n -kargitaratuta
Erantzun

Mikel Garcia Idiakez / 2016-02-15 / 150 hitz

Entrenatzaile eta gurasoen lezioak, presioa –eta sarri baita irain eta indarkeria ere– gainetik kentzeko, Herbehereetan haurrek beraiek arbitratzen dituzte euren futbol partiduak, txandaka. Errespetua, joko garbia eta batez ere askatasuna dira nagusi.

Jarraitu irakurtzen →

Benetan horrelakoak al gara daniarrok?

-n -kargitaratuta
Erantzun

Carsten Jensen / 2016-02-16 / 768 hitz

Galdetzen badiezu Danimarkako Gobernuari eta hura sostengatzen duten alderdiei zergatik dauden protestak joan den asteartean Parlamentuaren gehiengoak onartu zuen L87 atzerritarren legearen aurka, erantzuna izango da haserre daudenak, kasurik onenean ezjakin tolesgabeak, kasurik txarrenean kontzienteki gizartean azpijan lana egiten ari diren zentzugabeak direla, Danimarkako ateak irekiko dizkiotenak integratu ezinezkoak diren errefuxiatu oldearen inbasio bati.

Jarraitu irakurtzen →

Naziak, sionistak eta txanpon bat

-n -kargitaratuta
Erantzun

Beñat Hauch Embarek / 2016-02-04 / 720 hitz

Mohammed Suleiman, Ammar Souf, Tamer Souf, Ali Shamlawi eta Mohammed Kleib palestinarrak dira, 16 eta 17 urte artekoak. 13 eta 14 urte bitarte zeuzkatenean sartu zituzten kartzelan, 20 delitu baino gehiago leporatuta. Familiek 136$ ordaindu behar dituzte hilero bakoitzarengatik, estatuak ziegaren alokairua kobratzen baitie.

Jarraitu irakurtzen →