Ikasleen (seme-alaben) atxikimendu linguistikoan...
Ikasleen atxikimendu linguistikoan familiaren eginkizuna nabarmena eta beharrezkoa da, gainera, hizkuntzaren erabilerak familian badu beste ukitu bat: familia giroa intimoa da, sentimendu eta emozioen mundua, barrenkoia.
Adibidez, Kataluñan 3000 familiarekin egindako ikerketa batean ikusi dute familian dagoen giroak eragin handia duela errendimendu akademikoan. Giro horretan eragiten du, besteak beste, eskola eta etxea konektatuta egoteak (modu batera edo bestera), elkarri begi onekin begiratzeak eta familiaren parte hartzeak eskolaren bizitzan jarduera edo molde ez formalen bidez. Adibidez, familiak giroan eragin dezake seme-alabei eskolan egiten dutenari buruzko interesa erakutsiz, galdetuz zer moduz ari diren, ea gustura ari diren, ea zerbaitek kezkatzen dituen. Eragile bakoitzak bestearen lana eta eginkizuna begi onez ikustea ezinbestekoa da, horrek elkarrenganako espektatibak egokitu ditzakeelako.
Beraz, familian seme-alaben hizkuntza atxikimendua eta gaitasuna sustatzea, lantzea eta osatzea ona da ikasleen ibilbide akademikorako. Batetik, eskolarekin izanen duen harremanean esku-hartzeak osatu eta bultzatu ditzakeelako; bestetik, aisialdia nola aukeratu, planifikatu, programatu dezakeelako seme-alaben hizkuntz atxikimendua eta gaitasuna osatze aldera.