Saltatu nabigazioa

4c Nahikotasun maila

Osagaien nahikotasun maila, gure lanaren eraginkortasuna ulertzeko kontzeptua.

Gure lanaren eraginkortasuna ebaluatzeko kontuan hartu behar dugu gure esku-hartzeak lanketa progresibo eta sistematikoan kokatu behar ditugula. Izan ere, ezin dugu pentsatu esku-hartze solte eta bakan batzuekin gure ikasleen egoera eta ohitura linguistikoak eraldatuko ditugunik.

Hori ulertzeko lagungarria da jabekuntza prozesuaren osagaien nahikotasun mailari begiratzea. 1987. urtean "Un futuro para nuestro pasado“  liburuan Jose María Sanchez Carrión-Txepetx ikerlariak plazaratu zuen teorian "nahikotasun maila" (G) kontzeptua honela azaltzen da: erabilera, ezagutza eta motibazioa faktoreak estuki lotuak daude, baina batean lortzen dugunak (hizkuntzaren ezagutza, adibidez) ez du besteetan eragiten maila jakin bat lortzen ez den bitartean. Ezaguna da Txepetxek erabili zuen ontzi komunikatuen metafora: maila jakin bat lortu arte ezagutza ez da erabilera bihurtzen, motibazioaren intentsitate jakin bat lortu arte ez da hizkuntza gehiago erabiltzeko eta ikasteko motor bihurtuko.

Horregatik esaten dugu haurrek hizkuntzaren esposizioaren nahikotasuna behar dutela hizkuntza erabiltzen hasiko badira. Horregatik esan behar dugu hiztunok motibazio eta jarrera kontuetan eragiten duten faktore guztietan nahikotasuna behar dugula (ingurunearen abegikortasuna, hizkuntza minorizatuei buruzko hausnarketa, erreferente kulturalen aberastasuna eta abar) erabileran eta praktika linguistikoetan aldaketak sumatzen hasi baino lehen.

Txepetxen 1987ko liburutik zenbait esaldi ekarri ditugu hona nahikotasun maila kontzeptuan sakontzeko. Ariketan, saiatu kendutako hitzak zuzen kokatzen:

Iturria: J.M. Sánchez Carrión-Txepetx (1987) "Un futuro para nuestro pasado"

 

Osatu testua hitz egokiak aukeratuta. Hitz bakoitza behin bakarrik erabili behar duzu.

  • Haur batek ez badu hizkuntzaren efektiboaren maila jakin bat lortzen, ez du hizkuntzaren zuzentasun fonetiko, lexiko eta gramatikaleko maila nahikorik lortuko.

  • Haur batek ezin badu bere adinari eta ikasketa mailari dagokien hizkuntza zuzentasuna lortu, hitz egiten duenean gustura eta erlaxatuta sentitzeko modukoa, zaila izanen da bere behar bezala betetzea.

  • Haurrak bere jatorrizko hizkuntzaren kontzientzia lor dezan, beharrezkoa du hizkuntza ahalik eta gehien erabiltzea. Izan ere, haurrak zenbait erabilera esparru sistematikoki beste hizkuntza batek hartuak aurkitzen baditu (...), ez da motibazioaren helduko.

  • Motibazio maila nahikoa lortzeko, haurrak hizkuntzaren erabilera ahalik eta gehien behar du.

  • Haurrak hizkuntza ikasiko du denbora tarte nahikoan hizkuntzaren erabilera ugariaren jasotzen badu.

  • Haurraren hizkuntza aktiboa inguruan duen hizkuntza erabilerara da, etengabe.

  • Lehenengo zezelkatzeetan bertan haurrak berehalako atsegina lortzen du, baliagarriak eta pozgarriak baitzaizkio: baliagarriak besteekin konektatzeko eta besteen lortzeko, pozgarriak bere burua hautematen duelako. Beraz, hasiera-hasieratik dago hitz egiteko motibazioa, geroago hizkuntza sistema jakin batean gauzatuko den motibazioa, ingurukoekiko harremanean eta .

  • Hizkuntzak bere esperientziaren zati handi bat hitzez adierazten eta bere beharrak bideratzen laguntzen dionean, haurra gustura sentitzen da hizkuntza horretan eta hizkuntzarekiko motibazio pizten zaio (barneko eta berezko motibazioa). Berarentzat hizkuntza tresna erabilgarria eta ona da, jabetzen laguntzen baitio.

Gaitu JavaScript