Saltatu nabigazioa

4.3d Gorputz Hezkuntza: soka saltoa

Gorputz Hezkuntzako irakaslea atxikimendu linguistikoan

Gorputz Hezkuntzako irakasleek lan handia egin dezakete atxikimenduaren osagai linguistikoak lantzen, izan ere, haien irakasgaiak baditu bestelako ikasgai batzuekin alderatuz abantaila batzuk, esaterako, hizkuntzaren erabilera ludikoagoa, ez formalagoa, bat-batekoagoa, elkarreraginezkoa... Hori dela eta, oso aproposa eta egokia da hizkera horiek erabiltzeko eta praktikan jartzeko. Bestalde, haien eginkizuna gehienbat ahozkoan egiten dute, Lehen Hezkuntzako mailetan ia erabat. Irakasleak hori buruan izanda lanketa emankorrak burutu ditzake eta elkarlanean aritu daiteke euskara irakaslearekin hizkuntza baliabideak irakasten eta haren lana osatzen.

Esku hartzearen testuingurua eta deskribapena

Testuingurua: irakasle taldeak ikusi du ikasleak patio garaian askotan jolasak gaztelaniaz erabiltzen dituztela eta horietan euskaraz aritzeko  hizkuntza baliabide gehiago behar dituztela. Hori dela eta, esku hartze bat egitea proposatu dute Gorputz Hezkuntzan.

Ikasmaila: Lehen Hezkuntzako 3. maila

Ikasle kopurua: 17 ikasle 

Ikasgaia eta irakaslea: Gorputz Hezkuntzako irakaslea.

Helburua: ikasleak Soka saltoan aritzen diren bitartean euskarazko bi abesti ikasi eta erabiltzea eta horiek ikasi ondoren  atsedenaldietan erabiltzea, esaterako, zaintzako irakaslearen laguntzarekin.

Esku-hartzearen deskribapena:

Gorputz Hezkuntzako irakasleak Soka Saltoan aritzeko jarduera gelaratuko du Lehen Hezkuntzako 3. mailako ikasleekin. 

  • Lehenengo gelan kanta landu, hau da, ikasleei irakatsi edota gogorarazi. Hona hemen baliabideak: Kantauriko Itxasoan eta Urteko hilabeteak
  • Soka saltoan ibiltzeko gaitasuna  praktika burutu eta horrekin batera gaitasuna landu eta hobetu.

Zure ustez, zer gertatu da?

Galdera

Irakasleak aukeratu duen jarduera egokia da helburua lortzeko? Zure ustez, zer aurreikuspen egin daiteke? Beheko aukeren artean, zer gertatu da eta zer ez?

Erantzunak

Ikasleek interes eta parte hartze oso ona erakutsi dute.

Euskaraz aritu diren uneak handitu dira.

 Irakaslea bere esku-hartzearen eraginaz ohartu da.

Gehienek abestia ikasi dute, gustura aritu dira eta soka saltoan aritu dira. Gelatik kanpo erabiltzeko gai dira ikasleak.

Aurreko guztiak zuzenak dira.

Feedbacka

Jarduera gelaratu duen irakaslearen balorazioa

Irakurri eta osatu

Jarduera honekin irakaslea ohartu da bere eguneroko praktika pedagogiko eta didaktikoetan euskarak zer-nolako tokia duen eta horren lanketa nola egin dezakeen Gorputz Hezkuntzako eduki eta gaitasunak irakasten ari den bitartean. Esate baterako, da ikasleek Soka Saltoan aritzeko jarduerak irakastean bi abesti bederen erabil ditzaketela eta ikasleek horiek buruz ikasiko dituztela. Jarduera mota hauek hiru hilabeteko epe batean (eman dezagun) ikasleak horiek erabiltzen ohituko direla errepikapenaren bidez. Ikasleen ahozko komunikazio gaitasuna hobetzeko ere lagungarriak direla. Neurri txikiagoan bada ere osagai afektibo-sozialak ere lantzen ari dela eta sinboliko-kulturala (inguruko abestiak) transmititzen.

Irakasleak hau bere praktikara gehituko du.

Gaitu JavaScript